ۆاكتسينا COVID-19 پاندەمياسىنا قارسى كۇرەستە باسقا قۇرالداردى تولىقتىرادى، بىراق ولاردى الماستىرمايدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس 16 قاراشادا Twitter پاراقشاسىندا حابارلادى.

«تەك ۆاكتسينا COVID-19 پاندەمياسىن توقتاتا المايدى. بىزگە قاداعالاۋدى، تەستىلەۋدى، وقشاۋلاۋ مەن كۇتىمدى، كونتاكتىلەردى باقىلاۋدى جانە كارانتيندى جالعاستىرۋ قاجەت بولادى; قوعامداستىقتى تارتۋ، ادامداردى ساق بولۋعا شاقىرۋ»، - دەپ جازدى ول.

گەبرەيەسۋستىڭ ايتۋىنشا، ۆاكتسينانىڭ باستاپقى جەتكىزىلىمى شەكتەۋلى بولادى، سوندىقتان ۆاكتسيناتسيا كەزىندە باسىمدىق مەديتسينا قىزمەتكەرلەرى، قارت ادامدار جانە باسقا دا قاۋىپ توپتارىنا بەرىلەدى.

«ءبىز بۇل ءولىمدى ازايتادى جانە دەنساۋلىق ساقتاۋ جۇيەلەرىنە جاعدايدى جەڭۋگە مۇمكىندىك بەرەدى دەپ ۇمىتتەنەمىز. بىراق ۆيرۋستىڭ قوزعالاتىن ورنى بار. COVID-19 پاندەمياسىنىڭ باسىنان باستاپ ءبىز ۆاكتسينانىڭ پاندەميانى باقىلاۋ ءۇشىن ماڭىزدى بولاتىنىن بىلدىك. بىراق ۆاكتسينا بىزدەگى باسقا قۇرالداردى الماستىراتىن ەمەس، ولاردى تولىقتىراتىندىعىن باسا ايتۋ كەرەك»، - دەپ قوستى ول.

كوروناۆيرۋس ينفەكتسياسىنىڭ ءورشۋى 2019 جىلدىڭ سوڭىندا قىتايدا باستالدى. 2020 جىلى 11 ناۋرىزدا دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تارالۋىن پاندەميا دەپ جاريالادى.

دۇنيەجۇزىلىك دەنساۋلىق ساقتاۋ ۇيىمىنىڭ 3 قاراشاداعى مالىمەتى بويىنشا الەمدە 47 COVID-19 ۆاكتسينا ءوندىرۋشىسى وندىرىلگەن ۆاكتسينانى كلينيكالىق باعالاۋعا ۇمىتكەر بولىپ وتىر. 155 كومپانيا كلينيكاعا دەيىنگى سىناق جۇرگىزۋدە.

امەريكالىق Pfizer كومپانياسى 9 قاراشادا نەمىس BioNTech كومپانياسىمەن بىرگە جاسالعان COVID-19 ۆاكتسيناسى BNT162b2 كلينيكالىق زەرتتەۋلەردىڭ ءۇشىنشى كەزەڭىندە 90%-دان استام تيىمدىلىك كورسەتتى دەپ جاريالادى. كومپانيا ءالى دە زەرتتەۋ جۇمىستارىن جۇرگىزىپ جاتىر. گەبرەيەسۋس بۇل ۆاكتسينانى «وتە پەرسپەكتيۆالى» دەپ اتادى.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى

Abai.kz