كونگرەسس رەزوليۋتسياسىنىڭ رەكومەنداتسيالىق سيپاتى بار.
18 قاراشادا رەسەي فەدەرالدىق قاۋىپسىزدىك قىزمەتى (فسب) ناۆالنىيعا "حيميالىق قارۋ قولدانۋ وقيعاسى" بويىنشا ءىس قوزعاۋدان باس تارتقان. ءىس قوزعاۋ تۋرالى ءوتىنىشتى ناۆالنىي قۇرعان جەمقورلىقپەن كۇرەس قورى تۇسىرگەن. فسب وقيعانى وزگە قۇقىق قورعاۋ ورگانىنىڭ تەكسەرىپ جاتقانىن العا تارتىپ، ءىس اشپاعان.
ۆەدومستۆونىڭ جاۋابىنا كوڭىلى تولماعان جەمقورلىقپەن كۇرەس قورىنىڭ زاڭگەرلەرى فسب "جالتارما جاۋاپ قايتاردى" دەپ سانايدى. ولار فسب-نىڭ ارەكەتسىزدىگىنە شاعىمدانىپ، سوتقا ارىز تۇسىرگەن.
- 20 تامىزدا ناۆالنىي تومسكىدەن ماسكەۋگە قاراي ۇشىپ بارا جاتقان جولدا جاعدايى كۇرت ناشارلاپ، ەسىنەن تانىپ قالعان. بورت توتەنشە جاعدايدا ومبىعا قونىپ، ساياساتكەر جەرگىلىكتى اۋرۋحاناعا جەتكىزىلگەن. ەكى كۇننەن كەيىن ونى بەرليندەگى اۋرۋحاناعا اكەتتى. ساياساتكەر تەك 19 كۇن وتكەننەن كەيىن عانا ەسىن جيدى.
- گەرمانيا ساراپشىلارى ناۆالنىيدىڭ "نوۆيچوك" توبىنا كىرەتىن قاۋىپتى زاتتان ۋلانعانىن ايتتى. مۇنى ەۋروپانىڭ وزگە دە تاۋەلسىز زەرتحانالارى دا راستادى. ەو ەلدەرى ماسكەۋدى وقيعانى تەرگەۋگە شاقىردى. ولار سونىمەن بىرگە ناۆالنىيعا شابۋىل جاساۋعا قاتىسى بولۋى مۇمكىن رەسەي شەنەۋنىكتەرىنە سانكتسيا سالدى.
- ناۆالنىي وزىنە ارنايى قىزمەت كرەمل نۇسقاۋىمەن ۋ بەردى دەپ سانايدى.
- ال رەسەي بيلىگى وپپوزيتسيونەردىڭ ۋلانۋىنا قاتىسى جوعىن ايتادى. كرەملدىڭ ءباسپاسوز حاتشىسى دميتري پەسكوۆ جانە رەسەيلىك دارىگەرلەر ناۆالنىيدىڭ اعزاسىنان ۋ تابىلمادى دەپ مالىمدەگەن. ماسكەۋ وقيعانى زەرتتەۋ ءۇشىن گەرمانيامەن بىرىگىپ، ارەكەت ەتۋگە دايىن ەكەنىن ايتقان. كرەمل حميليالىق قارۋعا تىيىم سالۋ جونىندەگى ۇيىمدى "نەمقۇرايلىعى" ءۇشىن دە ايىپتاعان.
