2020 جىلعى 20 قاراشادا قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا اقش-تىڭ قازاقستانداعى توتەنشە جانە وكىلەتتى ەلشىسى ۋيليام موزەرمەن كەزدەستى.

اڭگىمەلەسۋ بارىسىندا مينيستر قازاقستان مەن اقش ەكىجاقتى ءوزارا ءتيىمدى ىنتىماقتاستىق شەڭبەرىندە، اتاپ ايتقاندا، ءدىني قىزمەتتى رەتتەۋ، ونىڭ ىشىندە ادامنىڭ ءدىني سەنىم بوستاندىعىنا قۇقىقتارىن قامتاماسىز ەتۋ سالاسىندا جاقىن جانە سەنىمدى قارىم-قاتىناس ورناتۋدى جالعاستىرىپ جاتقانىن اتاپ ءوتتى.

سونداي-اق، ول قازاقستاننىڭ وتاندىق مەديا-سالانى جاڭعىرتۋ، مىقتى جانە باسەكەگە قابىلەتتى وتاندىق باق-تى دامىتۋ، مەملەكەتتىڭ قوعاممەن جانە مەديا-نارىقتىڭ كاسىبي قاتىسۋشىلارىمەن ديالوگى ءۇشىن جاعداي جاساۋ بويىنشا اۋقىمدى جۇمىس جۇرگىزىپ جاتقانىن اتاپ ءوتتى.

ءوز كەزەگىندە، ەلشى مينيسترلىكتىڭ اقپارات، ءدىني سەنىم بوستاندىعى جانە ازاماتتىق قوعامدى دامىتۋ سالالارىنداعى قىزمەتىن، اتاپ ايتقاندا، گرانتتىق قارجىلاندىرۋ اياسىندا ۇەۇ-دى قولداۋدى جوعارى باعالادى.

كەزدەسۋ سوڭىندا تاراپتار تىعىز جانە ءوزارا ءتيىمدى قارىم-قاتىناس ورناتۋعا نيەت ءبىلدىردى.

Abai.kz