مەملەكەت باسشىسى «استانا» حالىقارالىق قارجى ورتالىعىنىڭ الاڭىندا رەسەي ۇكىمەتى باسشىسىنىڭ ورىنباسارى الەكسەي وۆەرچۋك پەن «سبەربانك» باق پرەزيدەنتى، باسقارما توراعاسى گەرمان گرەف باستاعان رەسەيلىك دەلەگاتسيامەن كەزدەستى.

ءىس-شارا بارىسىندا رەسەيلىك دەلەگاتسيا وكىلدەرى قازاقستان پرەزيدەنتىنە تسيفرلىق شەشىمدەردىڭ جوبالارى، تسيفرلاندىرۋ سالاسىنداعى كەشەندى ازىرلەمەلەرى جايىندا ەگجەي-تەگجەيلى ايتىپ، Sber ەكوجۇيەسىن پايدالانۋ تاجىريبەسىمەن ءبولىستى.

بۇدان كەيىن قاسىم-جومارت توقاەۆ قازاقستان ۇكىمەتىنىڭ باسشىلارىمەن جانە رەسەيلىك دەلەگاتسيا وكىلدەرىمەن ەكوجۇيەلەردى تەحنولوگيالىق تۇرعىدان دامىتۋ، مەملەكەتتىك قىزمەت كورسەتۋ سالاسىن تسيفرلاندىرۋ ماسەلەلەرى بويىنشا ەكىجاقتى ءىس-قيمىل جونىندە پىكىر الماستى.

كەزدەسۋ سوڭىندا مەملەكەت باسشىسىنىڭ قاتىسۋىمەن قازاقستان مەن رەسەي تاراپى تسيفرلاندىرۋ سالاسىنداعى ىنتىماقتاستىق تۋرالى مەموراندۋمعا قول قويدى.

Abai.kz