قارجى ءمينيسترى ەرۇلان جاماۋباەۆ قازاقستان كوروناۆيرۋسپەن كۇرەسۋ ءۇشىن قۇنى 1,5 ميلليارد ەۋرودان اساتىن ەكى نەسيە الاتىندىعىن مالىمدەدى.

908 ميلليون 596 مىڭ ەۋروعا العاشقى نەسيە قازاقستان مەن ازيا دامۋ بانكى اراسىنداعى كەلىسىم بويىنشا بەرىلەدى.

«نەسيە 2021 جىلى بيۋدجەت تاپشىلىعىن قارجىلاندىرۋعا باعىتتالعان. بۇل قاراجات ۇكىمەتتىڭ COVID-19 پاندەمياسىنىڭ سالدارىمەن كۇرەسۋ جانە ەكونوميكانى قالپىنا كەلتىرۋ جونىندەگى شارالارىنا باعىتتالادى»، - دەدى جاماۋباەۆ.

ونىڭ ايتۋىنشا، قازاقستان نەسيەنىڭ 454 ميلليون 298 مىڭ ەۋرو كولەمىندەگى بولىگىن 10 جىلدا، ءۇش جىلدىق جەڭىلدىك كەزەڭىمەن قوسا تولەۋى كەرەك. قالعان 454 ميلليون 298 مىڭ ەۋرو ءۇش جىلدىق جەڭىلدىك كەزەڭىن قوسقاندا بەس جىلعا بەرىلەدى.

«ازيالىق ينفراقۇرىلىمدىق ينۆەستيتسيالار بانكىمەن 661 800 000 ەۋرو كولەمىندە ەكىنشى كەلىسىمگە قول قويىلدى. قاراجات سونىمەن قاتار 2021 جىلى بيۋدجەت تاپشىلىعىن قارجىلاندىرۋعا جانە ۇكىمەتتىڭ COVID-19-قا قارسى ءىس-شارالارىن قولداۋعا جۇمسالادى. نەسيە 10 جىلعا، ءۇش جىلدىق جەڭىلدىك مەرزىممەن بەرىلەدى. سىياقى مولشەرلەمەسى - Euribor 0,50 پايىز», - دەپ تولىقتىردى مينيستر.

ول تارتىلعان نەسيەلەرگە قىزمەت كورسەتۋ مەن وتەۋدى قارجى مينيسترلىگى بيۋدجەت ەسەبىنەن جۇزەگە اسىراتىنىن ايتتى.

Abai.kz