يۋنيسەف جىل سايىن ءارتۇرلى ىندەتكە قارسى ەكى ميللياردقا جۋىق ۆاكتسينانى ساتىپ الىپ، 100-گە تارتا دامۋشى ەلگە جەتكىزىپ تۇرادى.
ۇيىم ءوزى اتاپ وتكەندەي "بۇرىن سوڭدى تاريحتا بولىپ كورمەگەن ەڭ ءىرى ءىس-شارانى" جۇزەگە اسىرۋ ءۇشىن قازىر جۇكتى تاسىمالداۋ بويىنشا جانە لوگيستيكالىق جۇزدەگەن كومپانيامەن كەلىسسوز جۇرگىزىپ جاتقانىن مالىمدەدى.
"بۇل باعا جەتپەس تاريحي ءارى عالامات وپەراتسيانى جۇزەگە اسىرۋ بارىسىندا ىنتىماقتاستىق ۇلكەن مانگە يە بولادى", - دەپ اتاپ ءوتتى يۋنيسەف-ءتىڭ قامتاماسىز ەتۋ جونىندەگى ديرەكتورى ەتلەۆا كاديللي.
جەكسەنبى كۇنى الەمنىڭ دامىعان ەلدەرىنىڭ ليدەرلەرى ونلاي باس قوسقان "ۇلكەن جيىرمالىق" سامميتىندا دامۋشى ەلدەردە COVID-19 ۆيرۋسى پاندەمياسى كەزىندە بولىپ جاتقان داعدارىسقا قارسى كومەكتەسۋ جونىندە ءسوز بولعان.
بىراق بۇل وپتيميستىك ۇندەۋدىڭ ارتىنشا ەۋروپالىق ساياساتكەرلەردىڭ باي ەلدەر ۆاكتسينانى جاپپاي ساتىپ العانى جونىندە ەسكەرتۋلەرى جاريالاندى.
Abai.kz
