ەلىمىز ەگەمەندىك العالى ءىسشى جانە سىرتقى ساياساتتا تىزگىندى تەڭ ۇستاپ، ورنىقتى دامىپ كەلەدى. تاۋەلسىز قازاقستان رەسپۋبليكاسى وتىز جىلعا ۋاقىتتا الەمدىك ارەنادا ءوزىنىڭ ورنىن قالىپتاستىرا الدى. ونىڭ ايقىن دالەلى رەتىندە ەلىمىزدىڭ باستاماسىمەن قولعا الىنعان كوپتەگەن حالىقارالىق دەڭگەيدەگى ماڭىزدى ماسەلەلەر وڭ شەشىمىن تاۋىپ جاتتى. ەلىمىزدىڭ ءاۋ باستا ۇستانعان كوپ جاقتى، كوپۆەكتورلى ساياساتى ەشقاشان وگەرگەن جوق. الىس-جاقىن شەتەلمەن تىعىز قارىم-قاتىناسىمىز ساقتالىپ كەلەدى.

جاقىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا اسا كەلەلى جيىن ءوتتى. اتالعان جيىندا ەلىمىزدىڭ حالىقارالىق ساياساتتا اتقارعان ايتۋلى جۇمىستارى مەن ءساتتى ديپلوماتيالىق جەتىستىكتەرى جايلى ءسوز بولدى. «قازاقستان رەسپۋبليكاسى ديپلوماتيالىق قىزمەتىنىڭ 25 جىلدىعى: قورىتىندى، جەتىستىكتەر، بولاشاققا كوزقاراس» اتتى عىلىمي-تاجىريبەلىك كونفەرەنتسيا جوعارى دەڭگەيدە ءوتتى.

وتىرىستىڭ رەسمي اشىپ، ءسوز باستاعان قازاقستان رەسپۋبليكاسى سىرتقى ىستەر ءمينيسترى قايرات ءابدىراحمانوۆ ەلىمىزدىڭ شەتەلدەرمەن ديپلوماتيالىق قاتىناستاردا جەتكەن جەتىستىكتەرىن جوعارى باعالادى. ەلىمىز ەگەمەندىك العالى الەمنىڭ ءار تۇكپىرىندەگى كوپتەگەن ەلدەرمەن جانە حالىقارالىق ءىرى ۇيىمدارىمەن پراگماتيزم قاعيدالارىنا نەگىزدەلگەن ىنتىماقتاستىق قارىم-قاتىناستى ساقتادى. ءارى وسى جۇيە سەنىمدى تۇردە قالىپتاسىپ دامىدى.

قايرات ءابدىراحمانوۆ، قازاقستان رەسپۋبليكاسى سىرتقى ىستەر ءمينيسترى

«تۇڭعىش پرەزيدەنتتىڭ كورەگەن سىرتقى ساياسي باعدارى ارقاسىندا قازاقستان الەمدىك ارەنادا تۇراقتىلىقتىڭ نەگىزگى، مەملەكەتتىك دامىتۋدىڭ قارقىندى جانە جارقىن ۇلگىسى رەتىندە قابىلدانۋى زاڭدى. ەلىمىز يادرولىق قارۋدان باس تارتۋ سالاسىندا مويىندالعان كوشباسشىعا، مادەنيەتتەر، دىندەر مەن وركەنيەتتەر سۇحباتىندا بەلسەندى مودەراتورعا اينالدى.  بۇگىندە قازاقستان الەمنىڭ جاھاندىق جانە ايماقتىق ماسەلەلەرىن شەشۋگە تەڭ جاعدايدا قاتىسادى جانە ۇلەس قوسادى».

ال قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى ءامىرحان راحىمجانوۆ ەلىمىزدىڭ ديپلوماتيالىق جەتىستىگىنە تۇڭعىش پرەزيدەنت نۇرسۇلتان ءابىشۇلى نازارباەۆتىڭ ءرولى ەرەكشە جوعارى بولعانىن ايتتى.

ونىڭ ايتۋىنشا، قازاقستان كوشباسشىنىڭ ۇستانعان ساياساتى مەن كوپۆەكتورلى ۇستانىمى ەلىمىزدىڭ الەۋمدىك قاۋىمداستىقتارىمەن ىنتىماقتاستىق قارىم-قاتىناسىن جوعارى دەڭگەيگە جەتكىزدى. قازاقستان الەمدىك ماڭىزى بار كوپ ىستەردە بەلسەندىلىك تانىتا ءبىلدى. اسىرەسە الەمدىك جانە ايماقتىق قاۋىپسىزدىكتى نىعايتۋ ماسەلەلەرىندە ءبىزدىڭ ەلدىڭ كوتەرگەن باستامالارى ەرەكشە بولدى. قازاقستان اسا ماڭىزدى الەمدىك ماسەلەلەردە سەنىمدى سۇحبات الاڭىنا اينالا ءبىلدى. سونىمەن قاتار تۇڭعىش پرەزيدەنتتىڭ باستاماسىمەن، تىكەلەي قاتىسۋىمەن بىرقاتار حالىقارالىق ۇيىمدار جۇمىسىن باستادى. مىسال ءۇشىن ەۋرازيالىق ەكونوميكالىق ودا، شانحان ىنتىماقتاستىق ۇيىمى، ازياداعى ءوزارا ىقپالداستىق جəنە سەنىم شارالارى جونىندەگى كەڭەس قاتارلى وداقتار مەن ۇيىمداردى اتاۋعا بولادى.

25 جىل ىشىندە نۇرسۇلتان ءابىشۇلى جوعارى دەڭگەيدەگى مىنبەرلەردەن كوپتەگەن ماڭىزدى يەيالاردى ۇسىندى. ءارى سونىڭ كوبى الەمدىك ارەنادا قولداۋ تاپتى. جاي قولداۋ تاۋىپ قانا قويماي، ءىس جۇزىندە جۇزەگە اسىپ، ءوز ءرولىن تولىق ساۋلەلەندىرىپ وتىر. قازىرگى تاڭدا جوعارى دەڭگەيگە كوتەرىلگەن مۇنداي ۇسىنىستاردى «الەمدى وزگەرتەتىن يدەيالار» دەپ اتاۋعا تولىق مۇمكىندىك بار.

Abai.kz