بۇل تۋرالى جاپاروۆ «7 ارنا» تەلەارناسىنا بەرگەن سۇحباتىندا مالىمدەدى.

«قاتەلەسپەسەم، وتكەن جىلى جوگوركۋ كەنەش دەپۋتاتى كۋرمانكۋل زۋلۋشەۆ باسقارۋ جۇيەسىن تاڭداۋ جونىندە رەفەرەندۋم وتكىزۋدى ۇسىنعان. مەن دەپۋتاتتاردان وسى سۇراقتى پرەزيدەنت سايلاۋى كەزىندە ۇسىنۋىن سۇرار ەدىم»، - دەدى جاپاروۆ.

بۇعان قوسا، ساياساتكەر قىرعىزستان كونستيتۋتسياسى جوباسىنا قاتىستى ايتىلىپ جاتقان سىندارعا جاۋاپ بەردى.

«2010 جىلى بۇل جوبا تەكەباەۆ كونستيتۋتسياسىنا بالاما رەتىندە ۇسىنىلعان. جوبانى مەن جازبادىم. ەكى ۇسىنىس قانا قوسدىم. ونى جيىرمادان استام اۆتور جازدى»، - دەدى جاپاروۆ.

ونىڭ پىكىرىنشە، 2010 جىلى قابىلدانعان كونستيتۋتسيا ءبىر ادامنىڭ عانا مۇددەسى ءۇشىن جازىلعان.

جوگوركۋ كەنەش 17 قاراشادا كونستيتۋتسيانىڭ جاڭا جوباسىن قوعام تالقىلاۋىنا شىعاردى. جوبا اۆتورى ءالى كۇنگە دەيىن بەلگىسىز.

Abai.kz