مەملەكەت باسشىسى قاسىم-جومارت توقاەۆ ۇسىنعان «5-10-20» باعدارلاماسى بۇگىنگى كۇنگە دەيىن ءوز ناتيجەسىن بەرىپ ۇلگەردى. ەندى اتالعان باعدارلاما اياسىندا بانكتە نەسيەسى راسىمدەلگەن ازاماتقا پاتەر ىزدەپ تابۋعا بەرىلەتىن ۋاقىت مەرزىمى 6 ايعا دەيىن ۇزارتىلدى. بۇل جونىندە «قازاقستاننىڭ تۇرعىن ءۇي قۇرىلىس جيناق بانكى» اكتسيونەرلىك قوعامى ورتالىق فيليالىنىڭ ديرەكتورى جانسۇلتان ماتاەۆ مالىمدەدى.

بۇقارالىق اقپارات قۇرالدارى وكىلدەرىمەن وتكەن كەزدەسۋدە «7-10-20» باعدارلاماسى نەگىزىندە بانكتە نەسيەسى ماقۇلدانعان ازاماتقا پاتەر تابۋ ءۇشىن ەكى اي ۋاقىت بەرىلەتىندىگى ايتىلدى. باق وكىلدەرى مۇنىڭ جەتكىلىكسىز ەكەنىن العا تارتقان بولاتىن. بۇل ماسەلەگە جاۋاپ بەرگەن ورتالىق فيليالىنىڭ ديرەكتورى اتالعان مەرزىمدى ۇزارتۋ بويىنشا جۇمىستار ساراپتالىپ جاتقانىن ايتتى.

«پاتەر تابۋ ءۇشىن بەرىلەتىن 2 اي مەرزىمدى جەتكىلىكسىز دەيتىندەرمەن كەلىسەمىز. قازىرگى تاڭدا بانكتىڭ نەسيەلىك كوميتەتىندە پاتەر ىزدەۋگە بەرىلەتىن مەرزىمدى 2 ايدان 6 ايعا دەيىن ۇزارتۋ جونىندەگى باستاما قارالىپ جاتىر. ءبىزدىڭ ورتالىققا دا وسى ماسەلە بويىنشا كوپتەگەن ساۋالدار ءتۇستى. جۋىردا ءوز شەشىمىمىزدى مالىمدەيمىز»،- دەدى ماتاەۆ.

قازىر جەرگىلىكتى اتقارۋشى ورگانداردا 530 مىڭ ادام تۇرعىن ءۇي كەزەگىندە تۇر. بۇل ماسەلەنى شەشى ءۇشىن ەلباسى ن.نازارباەۆ باستاماسىمەن قولعا الىنعان «7-20-25» باعدارلاماسى ىسكە قوسىلدى. الايدا، اتالعان باعدارلاما

اكىمدىكتەردە باسپانا كەزەگىنە تىركەلگەن ادامداردىڭ ماسەلەسىن شەشۋدە جەتكىلىكسىز. دەگەنمەن ول تۇرعىن ءۇي قۇرىلىسى سالاسىندا يپوتەكالىق نەسيەلەۋگە ۇلكەن سەرپىن بەردى.

سوندىقتان دا مەملەكەت باسشىسى قاسىم-جومارت توقاەۆ توتەنشە جاعدايدى قامتاماسىز ەتۋ بويىنشا مەملەكەتتىك كوميسسيا وتىرىسى كەزىندە جوعارىدا اتاپ وتكەن «5-10-20» باعدارلاماسىن ىسكە قوسۋدى تاپسىرعان بولاتىن.

«باسپانا كەزەگىندە تۇرعان ازاماتتاردى نەسيەلىك تۇرعىن ۇيمەن قامتۋ ءۇشىن جاڭا «5-20-25» مەملەكەتتىك باعدارلاماسىن ىسكە قوسۋدى تاپسىرامىن»،- دەدى پرەزيدەنت.

سونىمەن، قر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كومۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆتىڭ ايتۋىنشا، قازاقستاننىڭ ۇلتتىق بانكى «5-10-20» مەملەكەتتىك باعدارلاماسىنا 390 ميلليارد تەڭگە بولگەن. ال، ونىڭ 180 ميلليارد تەڭگەسى كرەديتتىك تۇرعىن ءۇي سالۋ ءۇشىن وڭىرلەرگە اۋدارىلعان. اتالعان باعدارلاما بويىنشا بارلىعى 15,2 مىڭ پاتەر سالۋ جوسپارلانىپتى.

«اتالعان باعدارلامانىڭ شارتتارى نەگىزىندە باسپانا كەزەگىندە تۇرعان ازاماتتارعا نەسيە بەرۋ ءۇشىن تۇرعىنۇيقۇرىلىسبانكىنە 210 ميلليارد تەڭگە اۋدارىلدى. تامىز ايىندا 90 ميلليارد تەڭگە مولشەرىندەگى ءبىرىنشى ترانش ءبولىندى. جانە 35 ميلليارد تەڭگە كولەمىندە 2,6 مىڭ قارىز بەرىلدى»،- دەدى جايىمبەتوۆ.

سونىمەن، 2020 جىلى مەملەكەتتىك ينۆەستيتسيالار ەسەبىنەن 150 مىڭنان استام وتباسى تۇرعىن ءۇي جاعدالارىن جاقسارتادى. ول ءۇشىن بيىلعى جىلى 15 ميلليون شارشى مەتر تۇرعىن ءۇي سالىنعان. ونىڭ ىشىندە 39 مىڭ وتباسى باسپانامەن قامتاماسىز ەتىلەدى دەپ كۇتىلۋدە.

جالپى، قازاقستان تاۋەلسىزدىك العان جىلداردان بەرى تۇرعىن ءۇي ساياساتىندا بىرنەشە ءساتتى رەفورمالاردى جۇزەگە اسىردى. ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ بۇل سالاداعى ستراتەگيالىق باستامالارى ەلدىڭ الەۋمەتتىك-ەكونوميكالىق دامۋىنا جول اشۋدا.

مەملەكەتتىڭ تۇراقتى ءارى ماڭىزدى مىندەتتەرىنىڭ ءبىرى – حالىقتىڭ ءومىر ءسۇرۋ جايلىلىعىن ارتتىرۋ جانە تۇرعىن ۇيمەن قامتاماسىز ەتۋ. وسى ماقساتتا 2005 جىلى جالپى حالىققا قولجەتىمدى تۇرعىن ءۇي سالۋ بويىنشا ماڭىزدى شارالار قابىلدانعان بولاتىن. وسى اتالعان شارالار تۇرعىن ءۇي قۇرىلىسىنىڭ قارقىنىنىڭ وسۋىنە ادەۋىر ىقپال ەتتى. سونىڭ ناتيجەسىندە، قازىرگى تاڭدا پايدالانۋعا بەرىلەتىن تۇرعىن ءۇيدىڭ جىلدىق كولەمى 2005 جىلدان 2,6 ەسەگە كوبەيىپ، ار تۇرعىن ءۇي قۇرىلىسىنا سالىنعان ينۆەستيتسيا كولەمى 5,6 ەسەگە وسكەنى بايقالادى.

Abai.kz