"نۇروتان" سەزىندەگى ەلباسى مەن پرەزيدەنتتىڭ سوزدەرىن تىڭدادىم.

مەنىڭشە، ول كىسىلەردىڭ ءبىر كونتسەپتۋالدىق، يدەيالىق قاتەلىگى مىنادا: ءالى كۇنگە دەيىن ولار "بارشا جۇرتتى ءبىر پارتيانىڭ توڭىرەگىندە توپتاستىرامىز" دەگەن جالعان، كۇنى ەسكىرگەن پوستۋلاتتان ارىلا الماي كەلەدى. بۇل ۇستانىمنىڭ ارتىندا ء"بىزدىڭ توڭىرەگىمىزدە" دەگەن وي قىلاڭ بەرىپ تۇر.

"پارتيا" دەگەن "party", ياعني ء"بىر بولىگى" دەگەن سوزدەن شىققان. ياعني، بەلگىلى ءبىر باعدارلاماسى بار ۇيىم قوعامنىڭ ءبىر بولىگىنىڭ عانا مۇددەسىن ءبىلدىرىپ، قورعايدى.

ول تۇعىرناما وڭشىل، سولشىل، تسەنتريستىك، "جاسىل", ۇلتشىل، ينتەرناتسيوناليست جانە تاعىسىن تاعى بولۋى مۇمكىن.

"نەلزيا وبيات نەوبياتنوە", - دەپ كوزما پرۋتكوۆ دەگەن يۋموريست باياعىدا-اق جازىپ كەتكەن (كوبىنەسە ورىسشا ويلاپ، سويلەيتىن بۇل پارتيانىڭ جەتەكشىلەرى ءتۇسىنسىن دەپ ادەيى سول تىلدەگى ماقالدى كەلتىرىپ جاتىرمىن). ايتپەسە، "ەكى ء(بىزدىڭ جاعدايدا - بىرنەشە) قايىقتىڭ باسىن ۇستاعان سۋعا كەتەدى" دەي سالۋىما بولاتىن ەدى.

قازىرگى قوعام بىركەلكى ەمەس. ونىڭ ونە بويىندا جوعارىدا اتالعان بارلىق يدەيالىق باعىتتار بار. پارتيالىق قۇرىلىس مەن تۇرمىستا جالپاقشەشەيلىك جۇرمەيدى. يدەيالىق تاڭداۋدىڭ ءبىر جاعىنا ششىعۋ - شارت.

ال "بارشا جۇرتتى بىرىكتىرەمىز" دەگەندەرى سوناۋ سوۆەت داۋىرىندە ۇستەمدىك ەتكەن بىرپارتيالىق يدەولوگيانىڭ سارقىنشاعى.

الدە "نۇروتان" كپسس بولعىسى كەلە مە؟

ءامىرجان قوساننىڭ جازباسى

Abai.kz