جوبادا زاڭدى بۇزعانداردى ءۇش جىلدان بەس جىلعا دەيىنگى مەرزىمدە باس بوستاندىعىنان ايىرۋ جازاسى قاراستىرىلعان.
تاجىكستان زاڭدارىنا سايكەس سمس ارقىلى تالاق ايتىپ اجىراسۋ زاڭسىز بولىپ ەسەپتەلەدى. ەلدىڭ مۇسىلماندار ءدىني باسقارماسى ازاماتتاردى مۇنداي تاجىريبەدەن باس تارتۋعا شاقىرىپ كەلەدى.
پارلامەنتتە قۇجاتتى ازىرلەپ جاتقان دەپۋتاتتاردىڭ ايتۋىنشا، زاڭ جوباسى "ادامداردى ءسوزسىز تۇردە ەركىنەن اجىراتۋدى" كوزدەمەيدى.
"نەگىزگى ماقسات جاستاردى وتباسى مەن بالالارىنىڭ الدىنداعى جاۋاپكەرشىلىكتى سەزىنۋگە شاقىرۋ، كوپشىلىك جاعدايدا مۇنداي اجىراسۋلاردىڭ قۇربانى بولىپ جاتقان ايەلدەردىڭ قۇقىعىن قورعاۋ. سوڭعى جىلدارى تەلەفون ارقىلى اجىراسۋ تاجىريبەسىن سىرتتا جۇمىس ىستەپ جۇرگەن ميگرانتتار كوپ قولدانىپ جاتىر", - دەدى دەپۋتاتتاردىڭ ءبىرى.
تاجىكستاندا سمس ارقىلى تالاق بەرىپ اجىراسۋدىڭ دۇرىس ەمەستىگى توعىز جىل بۇرىن كوتەرىلگەن. وندا ەلدىڭ ءدىن ىستەرى بويىنشا مەملەكەتتىك كوميتەتى اقساقالدار كەڭەسىمەن بىرلەسىپ تەلەفون ارقىلى اجىراسۋعا تىيىم سالۋعا فاتۆا شىعارعان.
رەسمي مالىمەتتەر بويىنشا تاجىكستاندا بىلتىر 12,5 مىڭ وتباسى اجىراسقان. بۇل كورسەتكىش ەكى جىل بۇرىن 10 مىڭ بولعان.
Abai.kz
