بۇگىن ورتالىق سايلاۋ كوميسسياسىنىڭ قاۋلىسىمەن قر پارلامەنتى ءماجىلىسىنىڭ دەپۋتاتى نۇرجان التاەۆتىڭ وكىلەتتىگى توقتاتىلدى.

التاەۆتىڭ دەپۋتاتتىق قىزمەتىنىڭ اياقتالۋىنا «Nur Otan» پارتياسىنىڭ قاتارىنان شىعارىلۋى سەبەپ بولعان.

«قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نۇرجان باۋىرجانۇلى التاەۆتىڭ وكىلەتتىگى ونىڭ «Nur Otan» پارتياسىنىڭ قاتارىنان شىعارىلعانى تۋرالى «Nur Otan» پارتياسى نۇر-سۇلتان قالاسى فيليالىنىڭ ساياسي كەڭەسى بيۋروسىنىڭ 2020 جىلعى 30 قاراشاداعى № 1 قاۋلىسىنا بايلانىستى توقتاتىلسىن»،- دەلىنگەن وسك قاۋلىسىندا.

بۇعان دەيىن ءماجىلىس دەپۋتاتى پاۆەل كازانتسەۆ ءوزىنىڭ الەۋمەتتىك جەلىدەگى پاراقشاسىندا:

«Nur Otan» پارتيالىق باقىلاۋ كوميتەتىنىڭ وتىرىسى ءوتتى. وندا پارتيا مۇشەسى نۇرجان التاەۆتىڭ پارتيا جارعىسى مەن پارتيا مۇشەسىنىڭ ەتيكا كودەكسىن ساقتاۋى ماسەلەسى قارالدى»، - دەپ جازعان.

سونىڭ نەگىزىندە «Nur Otan» پارتياسى نۇر-سۇلتان قالاسى فيليالىنىڭ ساياسي كەڭەسى بيۋروسى ن.التاەۆتى پارتيا قاتارىنان شىعارۋ تۋرالى  شەشىم قابىلدادى.

Abai.kz