بىلتىر الماتىدا مامانداندىرىلعان اۋدانارالىق سوتتا كوسيمجون گيەسوۆ 18 جىلعا، ابدۋحاليم داۆلاتوۆ پەن نەماتۋللو نەماتوۆ 14 جىلعا، پارۆيز تۋيچيەۆ، سۋلتوني امينزودا، شاريفالي سافاروۆ پەن سافيۋللو كوسيموۆ 12 جىلعا باس بوستاندىعىنان ايىرىلعان.

ولاردىڭ ءبارى تەرروريستىك ۇيىمداردىڭ قۇرامىندا بولدى، تەراكت جاساماق بولدى، جارىلعىش زاتتار دايىندادى، قارۋ ساقتادى دەپ ايىپتالدى.

تاجىكستان باس پروكۋراتۋراسى جازاسىن ءارى قاراي وتانىندا وتەۋ ءۇشىن ازاماتتارىن قابىلداپ الۋ تۋرالى قازاقستاننىڭ ۇسىنىسىن كەرى قايتارعان. سوتتالعانداردىڭ تۋىستارى قازاق بيلىگىنە جاقىندارىن ەلىنە قايتارۋ جونىندە ءوتىنىش تۇسىرگەن.

تاجىكستان باس پروكۋراتۋراسىنداعى دەرەككوزدىڭ ايتۋىنشا، دۋشانبە ەلىندەگى تۇرمەلەردە بولعان بۇلىكتەن كەيىن وزگە ەلدە سوتتالعان ازاماتتارىن قابىلداماۋدى شەشكەن. 2018 جىلى قاراشادا حوجەنت، 2019 جىلى مامىردا ۆاحدات اباقتىسىندا بۇلىك بولىپ، 50 ادام كوز جۇمعان. بيلىك بۇل بۇلىكتى "يسلام مەملەكەتى" تەرروريستىك ۇيىمىنا مۇشە بولعانى ءۇشىن سوتتالعان ازاماتتار ۇيىمداستىردى دەدى.

رەسمي مالىمەتى بويىنشا، قازاقستاندا 10 مىڭعا جۋىق تاجىك ميگرانتى بار.

Abai.kz