قازاقستان 22 جەلتوقساننان باستاپ كوروناۆيرۋسقا قارسى رەسەيلىك Sputnik V ۆاكتسيناسىن وندىرە باستايدى. وسىلاي دەپ ەل پرەزيدەنتى قاسىم-جومارت توقاەۆ پەن پرەمەر-مينيستر اسقار مامين كەزدەسۋىنىڭ قورىتىندىسىنان كەيىن مەملەكەت باسشىسىنىڭ ءباسپاسوز قىزمەتى حابارلادى.

جەلتوقسان ايىندا كەمىندە 2 ملن دانا ۆاكتسينا شىعارۋدى جوسپارلاپ وتىر. ال 2021 جىلدان باستاپ جاپپاي ەرىكتى تۇردە ەكپە سالۋ باستالادى. ءبىرىنشى كەزەڭدە ۆيرۋستى جۇقتىرۋ قاۋىپى زور ادامدار، دارىگەرلەر، مۇعالىمدەر مەن كۇش قۇرىلىمدارىنىڭ قىزمەتكەرلەرىنە سالىنادى.

توقاەۆ قاراشا ايىندا ەلدە كوروناۆيرۋسقا قارسى رەسەيلىك ۆاكتسينانى وندىرەتىن زاۋىت سالىناتىنىن مالىمدەگەن. بۇدان بولەك قازاقستان مەن رەسەي Sputnik V ۆاكتسيناسىن جەتكىزۋ جونىندە كەلىسىمگە كەلگەن.

ەكىنشى جەلتوقساندا رەسەي پرەزيدەنتى ۆلاديمير پۋتين حالىققا جاپپاي ەكپە جۇرگىزۋدى باستاۋدى تاپسىرعان.

"ەكپەنىڭ ەكى ميلليوننان استام دانا شىعارىلعانىن نەمەسە تاياۋ كۇندەرى شىعارىلاتىنىن بىلەمىن. بۇل الەمدە كوروناۆيرۋسقا قارسى ءبىرىنشى بولىپ رەسمي تىركەلەتىن Sputnik V ۆاكتسيناسى. جاپپاي بولماسا دا، كەڭ كولەمدە ەگۋ جۇمىستارىن باستايمىز. ەڭ الدىمەن دارىگەرلەر مەن مۇعالىمدەرگە سالىنادى", - دەدى پۋتين.

ددسۇ ۇيىمىنىڭ مالىمەتىنشە، قازىر كوروناۆيرۋسقا قارسى جۇزدەن استام ۆاكتسينا شىعارىلىپ جاتىر. بۇل ۆاكتسينالار ءۇش سىناق كەزەڭىنەن ءوتۋى ءتيىس. قازىر ءۇشىنشى سىناق كەزەڭىنە تەك ونعا جۋىق ەكپە جەتتى.

رەسەي ءۇشىنشى كلينيكالىق سىناقتان وتكىزبەستەن ەكى ۆاكتسينانى تىركەۋدەن وتكىزدى: گامالەي اتىنداعى ورتالىق دايىنداعان Sputnik V ۆاكتسيناسى جانە نوۆوسيبيرسكىدەگى "ۆەكتور" ورتالىعى ازىرلەگەن "ەپيۆاككورونا" ۆاكتسيناسى.

قازاقستاننىڭ جامبىل وبلىسىندا كوروناۆيرۋسقا قارسى قازاقستاندىق ۆاكتسينا شىعاراتىن زاۋىت سالىنىپ جاتىر. قۇنى 7 ملرد تەڭگە بولاتىن زاۋىت كەلەر جىلدىڭ ناۋرىز ايىندا ۆاكتسينا شىعارا باستاماق. بۇل جونىندە 2 جەلتوقساندا جامبىل وبلىسىنىڭ اكىمى بەردىبەك ساپارباەۆ ءمالىم ەتكەن.

Abai.kz