قازاقستاندا كەلەر جىلعا (2021 جىل) ارنالعان زەينەتاقى مەن ەڭبەكاقىنىڭ ەڭ تومەنشى مولشەرى بەلگىلەندى. اتالعان وزگەرتۋلەر: «2021-2023 جىلدارعا ارنالعان رەسپۋبليكالىق بيۋدجەت» تۋرالى زاڭعا ەنگىزىلگەن. وعان قازاقستان پرەزيدەنتى قاسىم-جومارت توقاەۆ قول قويعان.

سونىمەن، 2021 جىلدىڭ 1 قاڭتارىنان باستاپ:

ەڭ تومەنگى جالاقى – 42 500 تەڭگە;

ەڭ تومەنگى مەملەكەتتىك بازالىق زەينەتاقى مولشەرى – 18 524 تەڭگە;

ەڭ تومەنگى زەينەتاقى – 43 272 تەڭگە;

جاردەماقى مەن الەۋمەتتىك تولەمدەر، ايىپپۇللار مەن سالىق جانە باسقا دا قر زاڭنامالارىندا كورسەتىلگەن تولەمدەر ءۇشىن ايلىق ەسەپتىك كورسەتكىش (اەك) – 2 917 تەڭگە;

بازالىق الەۋمەتتىك تولەمدەردى ەسەپتەۋ ءۇشىن ەڭ تومەنگى كۇنكۇرىس مينيمۋمى – 34 302 تەڭگە.

ايتا كەتەيىك، وسىعان دەيىن پرەزيدەنت توقاەۆ قازاقستاننىڭ 2021-2023 جىلدارعا ارنالعان رەسپۋبليكالىق بيۋدجەتى تۋرالى زاڭعا قول قويعان.

Abai.kz