ونىڭ سوزىنشە، بيىل اكىمدىك مەملەكەتتىك تاپسىرىستى جۇزەگە اسىرۋ ءۇشىن باق-قا 700 ميلليون تەڭگە (1,6 ميلليون دوللار) بولگەن.
- بۇل اكىمدىكتىڭ جۇمىسىن كورسەتۋ ءۇشىن ەمەس. مەنىڭ «Instagram-دا» ءوزىمنىڭ پاراقشام بار. ءوزىمنىڭ ەسەبىمدى سوندا جاريالايمىن. بۇدان بولەك ءباسپاسوز حاتشىم بار. بىراق ەگەر قالادا قانداي دا ءبىر جۇمىستار ىستەلىنىپ جاتسا، ونى كورسەتۋىمىز كەرەك. وندا تۇرعان ەشتەڭە جوق دەپ ويلايمىن. ماسەلە، بۇل قارجىنى باق ماقتاسىن دەپ ەمەس، جاساعان جۇمىسىمىزدى كورسەتۋ ءۇشىن بولەمىز، - دەپتى ساعىنتاەۆ مىرزا.
الماتى اكىمى ءباسپاسوز قىزمەتىنىڭ مالىمەتىنشە، بيىل اقپاراتتىق ساياسات ءۇشىن اكىمدىك 728 ميلليون تەڭگە، 2019 جىلى 722 ميلليون تەڭگە بولگەن ەكەن.
«قازاقستانداعى مەملەكەتتىك ساتىپ الۋ سايتىنداعى مالىمەتكە قاراعاندا، الماتى اكىمدىگى تاراپىنان باق اراسىندا ەڭ كوپ قارجى الىپ وتىرعان «NewTimes.kz» سايتى. ول 2019 جىلدان بەرى 35,3 ميلليون تەڭگە، «Zakon.kz» سايتىن شىعاراتىن «يۋرينفو» كومپانياسى 28,1 ميلليون تەڭگە، «Qamshy Media» 23,7 ميلليون تەڭگە، «NewTimes.kz» سايتىنىڭ قوجايىنى سانالاتىن «رىسباي-ەل» كومپانياسى 17,8 ميلليون تەڭگە العان»، - دەپ جازادى «centralasian.org» سايتى.
مەملەكەتتىك باق ىشىندە «قازاقستان» تەلەكانالىنا 23 ميلليون تەڭگە، «حابار» اگەنتتىگىنە 22 ميلليون تەڭگە، «ەگەمەن قازاقستان» گازەتىنە 17,4 ميلليون تەڭگە بولىنگەن. تاپسىرىس بەرۋشى - الماتى اكىمدىگىنىڭ قوعامدىق دامۋ باسقارماسى.
اكىمدىك مالىمەتى بويىنشا، 2019–2020 جىلدارعا باق-قا مەملەكەتتىك تاپسىرىس ءۇشىن بولىنگەن شىعىن ءبىر جارىم ميلليارد تەڭگەگە جەتپەگەن. بىراق قالالىق بيۋدجەتتەن قارجىلاندىرىلاتىن مۋنيتسيپالدىق تەلەكانالدار مەن گازەتتەرگە بولىنگەن قارجى 4,8 ميلليارد تەڭگەنى قۇرايدى. «الماتى» تەلەكانالى مەملەكەتتىك ساتىپ الۋ پورتالىنداعى كەلىسىمدەر بويىنشا 4 ميلليارد تەڭگە، «Alatay Aqparat» («الماتى اقشامى» مەن «ۆەچەرني الماتى») 823,6 ميلليون تەڭگە العان.
شەنەۋنىكتەردىڭ جۇمىسىن جاريالاۋ ءۇشىن باق-قا اقشا ءبولۋ قازاقستاننىڭ بارلىق ايماعىندا بار تاجىريبە. اكىمدىكتەردىڭ تاپسىرىسى بويىنشا جاريالاناتىن ماتەريالداردىڭ مازمۇنى ادەتتە مەملەكەت باسشىسى تاپسىرمالارىنىڭ ورىندالۋ بارىسى مەن مەملەكەتتىك باعدارلامالاردىڭ جۇزەگە اسىرىلۋى جايىندا بولادى.
Abai.kz
