«ساراپشىلار» بيىلعى جولداۋدا ەلدىڭ الەۋمەتتىك جاعدايىن جاقسارتۋعا باسا ءمان بەرىلگەن دەپ جاتىر. مۇمكىن. بىراق، نەگە ەكەنى بەلگىسىز، ءبىزدىڭ ءۇيدىڭ شىعا بەرىسىندە پىستە، تەمەكى، ويىنشىق ساتاتىن اپانىڭ «جۇمىسى» اۋىسقان جوق. جەتى-سەگىز جىلدىڭ ءجۇزى بولدى. جاعدايى دا سول قالپى.
سوندا دا قويمايدى: «جۇمىسپەن قامتۋ - 2020» باعدارلاماسى بويىنشا 200 مىڭنان استام ادام  جۇمىسپەن قامتىلماق. بۇل باعدارلامانى ىسكە اسىرۋ ءۇشىن بيىلعى جىلى بيۋدجەتتەن 50,6 ميلليارد تەڭگە ءبولۋ جوسپارلانىپ وتىر» دەيدى.
ەندى جاڭاوزەندىكتەردى جۇمىسپەن جارىلقاماق ەكەن:  «حالىقتى جۇمىسپەن قامتۋ باعدارلاماسىنىڭ شاعىن قالالار تۇرعىندارىنىڭ كوشىپ-قونۋى تۋرالى تارماعىنا ساي جاڭاوزەندىكتەردى وتىنىشتەر بويىنشا وبلىستان تىسقارى جەرلەرگە كوشىرۋدى ۇسىنامىن»، دەيدى القىنىپ، گۇلشارا حانىم. حانىمدى جۇمسادى. ول جۇمسالىپ وتىر. شارا جوق. مينيستر دەگەن زور قىزمەت. ورنىنان ءتۇسىپ قالسا، ەلگە نە بەتىمەن قارايدى؟!
«جاڭاوزەندىكتەردى وتىنىشتەر بويىنشا وبلىستان تىسقارى جەرلەرگە كوشىرۋ» دەگەندى گۇلشارا ابدىحالىقوۆا ويلاپ تاۋىپ، ۇكىمەتكە ۇسىنىپ وتىرعان جوق. بۇل -  ىشكى ساياساتقا جاۋاپتى، سونى جاساپ وتىرىپ، كارتاسىن شاتاستىرىپ الىپ، ەندى نە ىستەرىن بىلمەي دالباسالاپ جۇرگەن جاننىڭ ارەكەتى.

«ساراپشىلار» بيىلعى جولداۋدا ەلدىڭ الەۋمەتتىك جاعدايىن جاقسارتۋعا باسا ءمان بەرىلگەن دەپ جاتىر. مۇمكىن. بىراق، نەگە ەكەنى بەلگىسىز، ءبىزدىڭ ءۇيدىڭ شىعا بەرىسىندە پىستە، تەمەكى، ويىنشىق ساتاتىن اپانىڭ «جۇمىسى» اۋىسقان جوق. جەتى-سەگىز جىلدىڭ ءجۇزى بولدى. جاعدايى دا سول قالپى.
سوندا دا قويمايدى: «جۇمىسپەن قامتۋ - 2020» باعدارلاماسى بويىنشا 200 مىڭنان استام ادام  جۇمىسپەن قامتىلماق. بۇل باعدارلامانى ىسكە اسىرۋ ءۇشىن بيىلعى جىلى بيۋدجەتتەن 50,6 ميلليارد تەڭگە ءبولۋ جوسپارلانىپ وتىر» دەيدى.
ەندى جاڭاوزەندىكتەردى جۇمىسپەن جارىلقاماق ەكەن:  «حالىقتى جۇمىسپەن قامتۋ باعدارلاماسىنىڭ شاعىن قالالار تۇرعىندارىنىڭ كوشىپ-قونۋى تۋرالى تارماعىنا ساي جاڭاوزەندىكتەردى وتىنىشتەر بويىنشا وبلىستان تىسقارى جەرلەرگە كوشىرۋدى ۇسىنامىن»، دەيدى القىنىپ، گۇلشارا حانىم. حانىمدى جۇمسادى. ول جۇمسالىپ وتىر. شارا جوق. مينيستر دەگەن زور قىزمەت. ورنىنان ءتۇسىپ قالسا، ەلگە نە بەتىمەن قارايدى؟!
«جاڭاوزەندىكتەردى وتىنىشتەر بويىنشا وبلىستان تىسقارى جەرلەرگە كوشىرۋ» دەگەندى گۇلشارا ابدىحالىقوۆا ويلاپ تاۋىپ، ۇكىمەتكە ۇسىنىپ وتىرعان جوق. بۇل -  ىشكى ساياساتقا جاۋاپتى، سونى جاساپ وتىرىپ، كارتاسىن شاتاستىرىپ الىپ، ەندى نە ىستەرىن بىلمەي دالباسالاپ جۇرگەن جاننىڭ ارەكەتى.
مينيستر ۇسىنىس جاسادى. ال، «ەگەمەن قازاقستان» گازەتى باس رەداكتورىنىڭ ورىباسارى سەيفۋللا شايىنعازى مىرزا اتىشۋلى ماقالا جازدى. ماقالا اۆتورى بىلاي دەيدى: ««الىستا جۇرگەن اعايىندارىمىزدىڭ مەن انا وبلىسقا بارمايمىن، مىنا وبلىسقا عانا بارامىن دەپ مۇرىن ءشۇيىرۋىن، كۆوتاداعى جەڭىلدىكتەردى پايدالانىپ ەلگە كەلىپ الىپ، ىزىنشە كەرى كەتىپ قالۋلارىن تەك وسى ايتىلعاندارمەن عانا تۇسىندىرۋگە بولادى».
بۇعان پرەزيدەنت كەڭەسشىسى ەرمۇحامبەت ەرتىسباەۆ پەن تيمۋر قۇلىباەۆتىڭ جاڭاوزەن وقيعاسىنا ورالمانداردى كىنالى دەپ تاپقان ايگىلى سوزدەرىن قوسىڭىز.
وسىمەن، بىرنەشە ايعا سوزىلعان ءسوزدىڭ ءتۇيىنى شىعىپ تۇر. جاڭاوزەندىكتەردى (ەلدى اتا قونىسىنان، سول وڭىردەگى شەتەلدەن اتاجۇرتىنا تۇپكىلىكتى قونىس اۋدارعان اعايىنداردى) «وتىنىشتەرى» (اكىمشىلىك قىسىم جاساپ، كۇشتەپ دەپ ءسوزدىڭ استارىن بىردەن ءتۇسىنىپ وقىساڭىز، جۇيكەڭىزگە ارتىق سالماق تۇسپەيدى) بويىنشا، جۇمىسپەن قامتۋ ءۇشىن وزگە وڭىرلەرگە كوشىرەدى. ءسويتىپ، وقيعانىڭ باستى «كىنالىلەرىن» ەلدىڭ ءار تۇكپىرىنە شاشىپ جىبەرەدى. سونىمەن، جاڭاوزەندە ءبارى شەشىلەدى. «ەندى قايتىپ ول جەردە ەشكىم باس كوتەرمەيدى» دەپ ەسەپ بەرەدى.  «ۋھ، ءبىتتى-اۋ». ول سەنەدى. "الدادى" دەپ الداعى ۋاقىتتا ايتا جاتار، ونى قويشى، ءۇمىتتى ايتساڭشى...
مىنە، ءبىزدىڭ ەلدەگى ىشكى ساياساتتىڭ سيقى. نە دەگەن «سۇڭعىلا ساياسات» دەيسىڭ دە.
«سۇڭعىلا ساياساتتىڭ» ارقاسىندا ەلى ءىشى ەكى جارىلدى. «ورالمان» - تاريحي وتانىنا كوشىپ كەلگەن قازاقتاردىڭ، قازاقستان ازاماتتىعىن العانعا دەيىنگى ارالىقتاعى زاڭدى ستاتۋسى ەكەنىن اقىرى، ەشكىم قۇلاعىنا دا ىلگەن جوق. ءسويتىپ، بىلىقتان باس اراشالاۋ ءۇشىن بۇقارانى ءبىر-بىرىنە ايداپ سالىپ، ەكىگە بولە سالدى.  بۇل - تاعدىر ەمەس. «ال، سەن ماڭدايدى ايتاسىڭ...»
ر.S.
تازا بىلعارىمەن قاپتالعان، وزگە تۇگىل، يەسىنىڭ مىسىن باساتىن شالقاقتاعان ورىندىققا كەزدەيسوق وتىرىپ قالعان مەنىڭ ءبىر دوسىم، الگى ورىندىقتى اينالدىرىپ جىبەرىپ: «دۇنيە، وتەرىڭدە شىر اينالدىڭ» دەپتى. شىنىمەن دە، دۇنيە وتەرىندە شىر اينالاتىن شىعار ءا؟
«اباي-اقپارات»