سوت شەشىمىنە سايكەس، قىلىشەۆ الماتى تەرگەۋ يزولياتورىندا 2021 جىلدىڭ 30 قاڭتارىنا دەيىن، بەگىمبەتوۆ 23 قاڭتار، جەكسەباەۆ 22 قاڭتار، راحىمجانوۆ 29 قاڭتارعا دەيىن وتىرادى.

بۇل جونىندە ازاتتىققا ادۆوكاتتار عالىم نۇرپەيىسوۆ پەن جانار بالعاباەۆا حابارلادى.

اسحات جەكسەباەۆ 22 تامىزدا اقتاۋ قالاسىندا ۇستالىپ، سول كۇنى الماتىعا جەتكىزىلگەن. اباي بەگىمبەتوۆ بولسا 23 تامىزدا الماتىدا ۇستالعان. سول كۇنى ونى ەكى ايعا قاماۋ تۋرالى شەشىم شىعاردى. قايرات قىلىشەۆ بولسا 30 تامىزدا ۇستالعان.

جەكسەباەۆ، بەگىمبەتوۆ جانە قىلىشەۆ "ەلدە تىيىم سالىنعان "كوشە پارتياسى" ۇيىمنىڭ جۇمىسىنا قاتىستى" دەگەن كۇدىكپەن ۇستالعان.

ەكى اي وتكەن سوڭ، 29 قازاندا نويان راحىمجانوۆ تا تىيىم سالىنعان ۇيىم جۇمىسىنا قاتىستى جانە ەكسترەميستىك توپ قۇرماق بولدى دەگەن كۇدىكپەن ۇستالدى.

بيىل مامىر ايىندا باس پروكۋراتۋرانىڭ شاعىمى بويىنشا نۇر-سۇلتانداعى ەسىل اۋداندىق سوتى "كوشە پارتياسىن" "ەكسترەميستىك ۇيىم" دەپ تانىعان. پروكۋراتۋرا "كوشە پارتياسى" ەلدە "ەكسترەميستىك" دەپ تانىلىپ، قىزمەتىنە تىيىم سالىنعان "قازاقستاننىڭ دەموكراتيالىق تاڭداۋى" (قدت) قوزعالىسىنا قاتىسى بار دەپ سانايدى.

قدت قوزعالىسىن شەتەلدە تۇراتىن ەكس-بانكير، وپپوزيتسيالىق ساياساتكەر مۇحتار ءابليازوۆ قۇرعان. 2018 جىلى ناۋرىزدا سوت بۇل قوزعالىستى "ەكسترەميستىك" دەپ تانىپ، قىزمەتىنە تىيىم سالعان. ال 2019 جىلى ەۋروپارلامەنت قدت-نى "بەيبىت وپپوزيتسيالىق قوزعالىس" دەپ اتاعان.

قدت مەن "كوشە پارتياسىن" ەكسترەميستىك دەپ تانىعان سوت شەشىمى جاريالانعان جوق. ەكى قوزعالىستىڭ جاقتاستارى قازاقستاندا ءجيى قۋعىندالادى.

قازاقستاندىق قۇقىق قورعاۋشىلاردىڭ مالىمەتىنشە، قازىرگى كەزدە ەلدە سوت شەشىمىمەن تىيىم سالىنعان "قازاقستاننىڭ دەموكراتيالىق تاڭداۋى" جانە "كوشە پارتياسى" قوزعالىسىنا قاتىسى بار دەپ كۇدىككە ىلىنگەن نەمەسە ايىپتالعان 110-نان استام ادام بار. بۇل ەكى ۇيىمدى قازاقستان سوتى "ەكسترەميستىك" دەپ تانىعانمەن ەۋروپارلامەنت 2019 جىلعى قارارىندا قدت-نى "بەيبىت وپپوزيتسيالىق قوزعالىس" دەپ سيپاتتاعان.

Abai.kz