باداحشان پروۆينتسياسى گۋبەرناتورىنىڭ ورىنباسارى احتارمۇحامماد حايرزودا 16 جەلتوقساندا ازاتتىق راديوسىنىڭ اۋعان قىزمەتىنە «الەمنىڭ ءتۇرلى ەلدەرىنەن جينالعان شامامەن 450 سودىر پروۆينتسيانىڭ تاۋلى وڭىرلەرىنە بەكىنگەنىن» حابارلادى.

ونىڭ ايتۋىنشا، سودىرلاردىڭ ءتورت ءتۇرلى ۇيىممەن - جاموات انسورۋللوح، تۇركىستان يسلام قوزعالىسى، وزبەكستان يسلام قوزعالىسى جانە كاۆكاز سلام يماراتىمەن بايلانىسى بار.

«سودىرلار ۆاردۋدج اۋدانىنا بەكىنگەن. پروۆينتسياداعى تۇراقسىزدىقتى پايدالانعان ولار مويماي جانە نۋساي اۋداندارىنا ءوتىپ، قازىر سوندا ورنىقتى. بۇل جاعداي، ارينە، تاجىكستاندى الاڭداتىپ وتىر»، - دەدى حايرزودا.

تاجىك بيلىگىنىڭ حابارلاۋىنشا، باحادشان جانە تاحور پروۆينتسيالارىنداعى تەرروريستىك، ەكسترەميستىك توپتار قۇرامىندا 80-100 تاجىك ازاماتى بار.

16 جەلتوقساندا تاجىكستاننىڭ شەكارا اسكەرىندەگى دەرەككوز وزودي راديوسىنا شەكاراداعى اۋعان اۋداندارىنداعى جاعدايدى باقىلاپ وتىرعانىن ايتتى.

«ءبىز اۋعان بيلىگىمەن بايلانىس ورناتتىق. سودىرلاردىڭ شەكاراعا جاقىنداعانىن سولاردان بىلەمىز. شەكارادا بۇل توپتارعا قارسى تۇراتىن كۇش بار»، - دەدى دەرەككوز.

اۋعانستاننىڭ باداحشان پروۆينتسياسى مەن تاجىكستان اراسىنداعى شەكارا ۇزىندىعى 900 شاقىرىمنان اسادى.

Abai.kz