حالىقتى قولداۋ بويىنشا ناقتى ۇسىنىستار، ازاماتتاردىڭ وزەكتى پروبلەمالىق ماسەلەلەرىن انىقتاۋ – وسىنىڭ بارلىعى ماجىلىسكە دەپۋتاتتىققا كانديداتتار، «ADAL» پارتياسىنىڭ وكىلدەرىنىڭ وڭىرلەر تۇرعىندارىمەن وتكىزەتىن كەزدەسۋلەرىنىڭ ءمانى بولىپ تابىلادى.

بۇگىن ولجاس ورداباەۆ، اقمارال بەكمۇرزاەۆا جانە پارتيا حاتشىسى نۇرلىبەك مۇقانوۆ قوستاناي قالاسىنىڭ تۇرعىندارىمەن كەزدەستى.

الەۋمەتتىك جەلىلەردە تىكەلەي ەفيردە وتكەن كەزدەسۋ بارىسىندا ولجاس ورداباەۆ پارتيا باعدارلاماسى مەن سايت تۋرالى حاباردار ەتتى.

سايت اناليتيكاسىن پايدالانا وتىرىپ، ولجاس ورداباەۆ سمارتفون ارقىلى قالا مەن وبلىستىڭ باستى پروبلەمالارى تۋرالى قالاي بىلۋگە بولاتىنىن كورنەكى تۇردە كورسەتتى.

تۇرعىندار بىرقاتار ماسەلەلەرگە شاعىمداندى. ولاردىڭ ىشىندە - اۋىل شارۋاشىلىعى ءۇشىن جەردىڭ جەتىسپەۋشىلىگى، فەرمەرلەردىڭ ەسكىرگەن تەحنيكاسى، توزعان كوممۋنالدىق جەلىلەر بار.

سونداي-اق، تۇرعىندار ىستىق سۋدى ءوشىرۋ ماسەلەسىن دە اتاپ ءوتتى.

- بىزدە جىل سايىن جازدا وسىلاي بولادى. مەن مۇندا قانشا تۇرسام، سونشا جالعاسىپ جاتىر. بۇكىل جاز بويى ءبىز سۋسىز وتىرامىز! بۇل دۇرىس دەپ ويلايسىز با؟،- دەدى كەزدەسۋگە قاتىسۋشى.

زارەچنىي اۋىلىنىڭ تۇرعىندارى ناشار ينفراقۇرىلىم مەن كولىك جۇمىسى تۋرالى ايتتى. «جارىق ءجيى وشەدى. ءبىر اۆتوبۋس عانا جۇرەدى. بۇل جاقتان شىعۋ قيىن! اۋىلدىڭ ءوزى ۇلكەن، تۇراتىن ادامدارى كوپ. مەن قانشا تۇرسام دا، بىزدە جارىق، سۋ، ينتەرنەت جوق – ال بۇل قالىپتى جاعداي ەمەس»، - دەدى اۋىل تۇرعىنى.

ولجاس ورداباەۆ تكش جۇيەسىنە جانە بيۋدجەتتىڭ ءتيىمسىز جۇمسالۋىنا كوپتەگەن وڭىرلەر شاعىمداناتىنىن ءتۇسىندىردى. پارتيا بيۋدجەتتى قايتا ءبولىپ، تۇرعىنداردى وسىعان تارتۋ كەرەك دەپ سانايدى.

قىزىلورداداعى كەزدەسۋلەر دە وتە مازمۇندى بولدى. ولاردى ءماجىلىس دەپۋتاتتىعىنا كانديداتتار ارداق نازاروۆ، ماقسات تولىقباي، الماسبەك سادىرباەۆ، داۋلەت مۇقاەۆ جۇرگىزدى.

الماسبەك سادىرباەۆ ازاماتتارعا نەسيە بەرۋ تۋرالى ازاماتتاردىڭ كوپتەگەن وتىنىشتەرىن قورىتا كەلە بىلاي دەپ اتاپ ءوتتى: «پارادوكس مىنادا: ادامدار تۇرمىستىق تەحنيكانى ساتىپ الۋ ءۇشىن نەسيە الۋعا جۇگىنگەن كەزدە، ۇلتتىق بانك بۇل مۇمكىندىكتى بەرەدى. ال تۇرعىن مال شارۋاشىلىعىن دامىتۋعا اقشا العىسى كەلگەندە، ولار ودان باس تارتىپ، دەپوزيت تالاپ ەتەدى. بۇل ءبىزدىڭ اۋىل شارۋاشىلىعىمىزدىڭ ناشار دامىعانىنىڭ ءبىر سەبەبى».

جەرگىلىكتى تۇرعىندار تەگىن مەديتسينا، ءبىلىم بەرۋ جۇيەسى - ۋنيۆەرسيتەتتەردەگى پراكتيكالىق ساباقتاردىڭ 60% -عا دەيىن ۇلعايۋى، باسپانا العىسى كەلەتىندەرگە ناقتى كومەك رەتىندە سەرتيفيكات بەرۋ ماسەلەسىن كوتەردى.

قىزۋ پىكىرتالاس اۋىلشارۋاشىلىق قاجەتتىلىكتەرىنە جەر بەرۋ ماسەلەسىنەن تۋىندادى.

«ADAL» پارتياسىنان ءماجىلىس دەپۋتاتتىعىنا كانديدات لاززات شىڭعىسباەۆا الماتى وبلىسى، ءۇشارال قالاسىنىڭ تۇرعىندارىمەن كەزدەستى.

پارتيا مىندەتتەرى تۋرالى بىلگەن تۇرعىندار ولاردى نە مازالايتىنى تۋرالى ايتىپ بەردى.

ب.ەرمەكوۆا: «پاندەمياعا بايلانىستى ناۋرىز ايىنان باستاپ بىزگە دۇرىس جۇمىس ىستەۋگە رۇقسات بەرىلمەيدى. ءبىز شىعىنعا ۇشىراپ وتىرمىز. نەلىكتەن مەملەكەت ءبىر ۋاقىتتا بيزنەسكە از بولسا دا كومەكتەسپەيدى?»،- دەپ شاعىمداندى.

ۇمىتكەر جەرگىلىكتى نارىقتى ارالاپ، كاسىپكەرلەردىڭ پارتيا تۋرالى بىلەتىندىگىن، ونىڭ باستامالارىن قولدايتىنىن جانە وعان 2021 جىلدىڭ 10 قاڭتارىندا داۋىس بەرەتىنىن ءبىلدى.

Abai.kz