18-20 جەلتوقسان كۇندەرى الماتى وبلىستىق اكىمدىگىنىڭ ۇيىمداستىرۋىمەن باق وكىلدەرى اراسىنداعى I رەسپۋبليكالىق PRESS SUMMIT ءوتتى. 

سامميتكە تالدىقورعاندىق باق وكىلدەرىمەن قاتار اتىراۋ، قاراعاندى، قىزىلوردا، پاۆلودار، نۇر-سۇلتان، الماتى قالالارىنان كەلگەن ءباسپاسوز حاتشىلارى مەن جۋرناليستەر قاتىسىپ، ءوزارا تاجىريبە الماستى.

كەزدەسۋدىڭ ءبىرىنشى كۇنىندە جۋرناليستەر الماتى وبلىسىنىڭ قاراساي اۋدانىنا بارىپ، قر تۇڭعىش پرەزيدەنتىنىڭ «اتامەكەن» تاريحي-مادەني ورتالىعىن، باتىر بابالارعا تاعزىم مەموريالدىق كەشەنىن جانە «ۇشقوڭىر» سپورت مەكتەبىنىڭ جۇمىسىمەن تانىستى.

اتالعان عيماراتتىڭ جالپى اۋدانى 29,5 شارشى مەترگە جۋىق. ال، نىساننىڭ بوي كوتەرۋىنە 8 ملرد.تەڭگەدەي قاراجات جۇمسالعان. قازىر مۇندا 1800 وقۋشى سپورتتىڭ 18 تۇرىمەن اينالىسادى.

بۇگىندە مۇنداي نىسان الماتى وبلىسىنىڭ رايىمبەك، ەسكەلدى، بالقاش، كوكسۋ، ۇيعىر، قاراساي، اقسۋ اۋداندارىندا سالىنىپ جاتىر.

وبلىس اكىمى اماندىق باتالوۆتىڭ ايتۋىنشا، جۋىردا تاعى 7 زاماناۋي سپورت كەشەنى اشىلادى.

- ءوڭىرىمىزدى دامىتۋ جولىندا كەلەلى ىستەر اتقارىلدى. ءبىزدىڭ باستى مىندەتىمىز - وسكەلەڭ ۇرپاقتىڭ سالاۋاتتى رۋحىن قولداۋعا ىقپال ەتۋ. جاقىن ارادا 7 زاماناۋي دەنە شىنىقتىرۋ-ساۋىقتىرۋ كەشەنىن اشۋدى جوسپارلاپ وتىرمىز. ونىڭ تورتەۋى "اۋىل – ەل بەسىگى" باعدارلاماسى اياسىندا. ولار دەنساۋلىقتى نىعايتۋعا ىقپال ەتىپ، بەلسەندى سپورتپەن شۇعىلدانۋعا جانە دسك قابىرعاسىندا بولاشاق چەمپيونداردى تاربيەلەۋگە كومەكتەسەدى دەپ ويلايمىن, - دەيدى اماندىق باتالوۆ.

ودان بولەك، "جۇمىسپەن قامتۋدىڭ جول كارتاسى" اياسىندا اعىمداعى جىلى 6 سپورتتىق نىسانعا جوندەۋ جۇمىستارى جۇرگىزىلەدى. بۇعان دەنە شىنىقتىرۋ - ساۋىقتىرۋ كەشەندەرىن كۇردەلى جوندەۋ كىرەدى.

سونداي-اق، جۋرناليستەر جامبىل جاباەۆتىڭ ادەبي-مەموريالدى مۋزەيىنە ساياحات جاسادى. مۋزەي مەڭگەرۋشىسى سالتانات تەزەكبايقىزى جىر الىبىنىڭ ءومىرى مەن شىعارماشىلىعىنان جان-جاقتى ماعۇلماتتار بەرىپ، كەلگەن قوناقتارعا تانىمدىق اقپاراتتار ۇسىندى. جانە، كەلۋشىلەر جامبىل جاباەۆ پەن نۇرعيسا تىلەنديەۆتىڭ جاتقان جەرىنە قۇران وقىتىپ، ەستەلىك سۋرەتكە ءتۇستى.

سونىمەن قاتار، باق وكىلدەرى جامبىل اۋدانىنىڭ قاسىمبەك اۋىلىنداعى «تەكسان قازاقستان ينۆەست» زاۋىتىنىڭ جۇمىسىمەن تانىستى. بۇگىندە اتالعان زاۋىت شامنىڭ ءتۇر-ءتۇرىن جانە مەتالل قۇرىلعىلارىن شىعاراتىن بىردەن-ءبىر كاسىپورىن.

زاۋىتتا ءبىر ايدا كەڭسە، كوشە، تۇرمىسقا قاجەتتى 300 ءتۇرلى شام شىعارىلادى. قازىر كاسىپورىننىڭ بەس قالادا بولىمشەسى، ال، 12 ايماقتا رەسمي وكىلدەرى بار.

ءسامميتتىڭ ەكىنشى كۇنىندە باق وكىلدەرى تالعار اۋدانىنىڭ "وي-قاراعاي" دەمالىس ايماعىندا بولدى. سونىمەن قاتار، اتالعان ايماقتا وبلىس اكىمىنىڭ ورىنباسارى رۋستام اليمەن كەزدەسىپ، پىكىر الماستى.

رۋستام الي، الماتى وبلىسى اكىمىنىڭ ورىنباسارى:

- وبلىستىق ىشكى ساياسات باسقارماسى، جەتىسۋ مەديا ورتالىعىنىڭ ۇيىمداستىرۋىمەن جانە ورتالىق كوممۋنيكاتسيا وكىلدەرىنىڭ اتسالىسۋىمەن وبلىس ورتالىعىندا قاراساي، جامبىل، تالعار جانە ۇيعىر اۋداندارىندا ءۇش كۇنگە سوزىلعان پرەسس-سامميت ۇيىمداستىرىلۋدا. جەتى وڭىردەن ءباسپاسوز حاتشىلارى، 10 شاقتى رەسپۋبيليكالىق باق وكىلدەرى مەن مينيسترلىكتىڭ باق-پەن جۇمىس ىستەيتىن وكىلدەرى قاتىسى وتىر. مەيرامنان كەيىن ءبىز يدەولوگيالىق تۇرعىدا ەلباسىنىڭ اتامەكەن مۋزەيىنەن باستاپ، كەلەر جىلعى جامبىل اتامىزدىڭ 175 جىلدىق مەرەيتويىنىڭ باستاماسى رەتىندە جامبىل مۋزەيىن كورسەتتىك.  

سونىمەن قاتار، تۋريستىك ىشكى كلاستەردى دامىتۋ ماقساتىندا تالعار اۋدانىنداعى وي-قاراعاي دەمالىس ايماعىنا اپاردى. جانە، قازىرگى ماۋسىمعا وراي شونجىداعى ىستىق سۋعا اپارادى. بۇل تەك قانا ىشكى تۋرزيم ەمەس، ەڭ اۋەلى بايلانىس، كومۋنيكاتسيا. 

بارلىق وڭىرلەردەن كەلگەن ارىپتەستەر جاڭا تەندەنتسيالار ارقىلى تاجىريبە الماسادى. ال كومۋنيكاتسيا تاجىريبە الماسۋ ارىپتەستەرىمىز ءۇشىن اسا ماڭىزدى دەپ ويلايمىن.

ءسامميتتىڭ ءۇشىنشى كۇنىندە باق وكىلدەرى قارادالا اۋدانىنداعى (ۇيعىر)  Eco Park دەمالىس ورنىندا بولدى. كەزدەسۋدى قورىتىندىلاعان باق وكىلدەرى ءوزارا پىكىر الماسىپ، الداعى ۋاقىتتا دا وسىنداي بەيرەسمي ءارى تانىمدىق جوبالار جالعاسىن تابۋىنا تىلەكتەس ەكەندەرىن جەتكىزدى. ال، ءسامميتتىڭ وتۋىنە تىكەلەي ىقپال ەتكەن «Jetisu Media» وكىلدەرى مۇنداي باسقوسۋلاردىڭ قانشالىقتى ماڭىزدى ەكەنىنە توقتالدى.

«Jetisu Media» كمم ءبولىم باسشىسى ايمان اسىل: 

- نەگىزگى ماقساتىمىز – ەلىمىزدىڭ تۇكپىر-تۇكپىرىنەن كەلگەن ارىپتەستەرىمىزگە الماتى وبلىسىنىڭ كورىكتى جەرلەرىن كورسەتىپ، تۋريزمگە ىقپال ەتۋ بولسا، ەكىنشىدەن ءوزارا پىكىر الماسۋ، تاجىريبە ءبولىسۋ ەدى. سەبەبى، ءوز ىشىمىدە عانا قايناي بەرمەي، جان-جاقتاعى ارىپتەستەرىمىزدىڭ تىنىس-تىرشىلىگىمەن تانىسۋ اسا ماڭىزدى. سوندىقتان، الداعى ۋاقىتتا مۇنداي جوبالاردى داستۇرگە اينالدىرۋعا تىرىسامىز.

نۇربيكە بەكسۇلتانقىزى

Abai.kz