بەرلين اكىمشىلىك سوتىنىڭ سۋدياسى، «ورتالىق ازيا ەلدەرىندە قۇقىقتىق مەملەكەتتىلىكتى ورناتۋعا سەپتەسۋ» (GIZ) باعدارلاماسىنىڭ ديرەكتورى، اتالعان ۇيىمنىڭ قازاقستان مەن وزبەكستانداعى وكىلى يورگ پۋدەلكا قازاقستانداعى قۇقىقتىق جۇيەنىڭ رەفورماسىنا قاتىستى پىكىر ءبىلدىردى.

«بيىل قازاقستاندا اكىمشىلىك پروتسەدۋرالىق پروتسەسسۋالدىق كودەكس قابىلداندى. بۇل قۇجات كەلەسى جىلى كۇشىنە ەنەدى. بۇل قازاقستانداعى اسا ءىرى رەفورمالاردىڭ ءبىرى. سەبەبى، مۇلدە باسقا زاڭ قالىپتاسادى. اكىمشىلىك جاۋاپكەرشىلىكتى قاباتتاستىرماي جاريا قۇقىقتىق ماسەلەلەردى عانا قاراستىراتىن مۇلدە بولەك سوتتار بولادى. بالتىق جاعالاۋى ەلدەرى بۇل جۇيەگە بۇرىننان كوشكەن. پوستكەڭەستىك ەلدەر ەندى اۋىسىپ جاتىر. ۋكراينادا بۇل جۇيە بار. بارلىق وڭتۇستىك كاۆكاز: ارمەنيا، گرۋزيا، ازەربايجان وسى جۇيەگە كوشتى. ورتالىق ازيادا قىرعىزستان بىرقاتار شەكتەۋمەن، وزبەكستان اۋىسىپ جاتىر. قازاقستان دا كەلەسى جىلى وسى جۇيەگە كقشەدى»، - دەدى ول.

ونىڭ ايتۋىنشا، سوتتار ءبىرىنشى رەت جاريا قۇقىقتىق داۋلاردى ينستيتۋتسيونالدى پرينتسيپپەن قاراستىراتىن بولادى.

«ياعني، بۇل جەر دە سوتتىڭ بەلسەندى ءرولى ايقىندالادى. بۇل تاراپتاردىڭ جاۋاپكەرشىلىگىن ازايتىپ، قۇقىقتارىن كوبەيتەدى. قازاقستان ازاماتتارى قۇقىقتىق ءبىلىمى بولماسا دا، قورعاۋشىسىز دا ءوز قۇقىقتارىن قورعاي الادى»، - دەدى ول.

دەرەككوز: قازاقپارات

Abai.kz