وزبەكستاننىڭ باس پروكۋراتۋراسى ميرزامۇحامەدوۆتىڭ ۇستىنەن قوزعالعان قىلمىستىق ءىس تۋرالى مالىمەت تاراتپادى. پروكۋراتۋرا وكىلىنىڭ ايتۋىنشا، قازىر ەكس-شەنەۋنىك وزبەكستان مەملەكەتتىك قاۋىپسىزدىك قىزمەتىنىڭ تەرگەۋ يزولياتورىندا تەرگەلىپ جاتىر.

بۇنىڭ الدىندا Eltus.com تاۋەلسىز باسىلىمى ميرزامۇحامەدوۆتىڭ قىلمىس الەمىندە «ستوماتولوگ» لاقاپ اتىمەن تانىمال فاررۋح ميرزاەۆپەن جانجالداسقانى تۋرالى جازعان. «قارىزى بار ميرزاەۆ كاريموۆتىڭ بۇرىنعى كومەكشىسىن تۇرمەگە وتىرعىزعىسى كەلگەن» دەپ جازدى باسىلىم. وسى ماتەريالدا ميرزامۇحامەدوۆتىڭ «ديپلوماتتاردى ءتۇرلى قىزمەتتەرگە ورنالاستىرۋ ءۇشىن پارا العانى» ايتىلعان.

ەكس-شەنەۋنىكتىڭ ءۇيىن ءتىنتۋ كەزىندە وتە كوپ قىمبات زاتتار، شەتەل ۆاليۋتاسى تابىلعانى، ال ونىڭ گاراجى بەنتلي، مەرسەدەس جانە رەندج روۆەر سەكىلدى قىمبات كولىكتەرگە تولى بولعانى تۋرالى حابارلانعان.

«وزودليك» زەرتتەۋى بارىسىندا ميرزامۇحامەدوۆ Murad Buildings قۇرىلىس كومپانياسى اكتسيالارىنىڭ ەلۋ پايىزىنا يەلىك ەتەتىنى انىقتالدى.

ۇلىقبەك ميرزامۇحامەدوۆ ۇزاق جىلدار بويى وزبەكستاننىڭ سىرتقى ىستەر مينيسترلىگىندە جۇمىس ىستەگەن. سول جەردەن پرەزيدەنت اكىمشىلىگىنە اۋىسىپ، يسلام كارموۆتىڭ كومەكشىسى بولعان. 2016 جىلى پرەزيدەنت شاۆكات ميرزياەۆ ونى بۇل قىزمەتتەن العان.

Abai.kz