الەمدە كوروناۆيرۋستىڭ جاڭا مۋتاتسياسى پايدا بولا بەرەدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمى مالىمدەدى.

«مۋتاتسيا - بۇل تابيعي پروتسەسس. بۇل ۆيرۋستىڭ وزىنە اسەر ەتپەيدى، بىراق ءبىز بۇل نۇسقالاردى، ونىڭ ىشىندە ولاردىڭ تارالۋى تۇرعىسىنان زەرتتەۋدى جالعاستىرۋىمىز كەرەك»، - دەدى ددۇ-نىڭ توتەنشە جاعدايلار ءبولىمى تەحنيكالىق توبىنىڭ جەتەكشىسى ماريا ۆان كەرحوۆە.

ول ددۇ وسى ماسەلە بويىنشا الەمدەگى عالىمدارمەن بايلانىستى جالعاستىرا بەرەتىندىگىن ايتتى.

ۇيىمنىڭ باسشىسى تەدروس ادحانوم گەبرەسيەس، سونىمەن قاتار، 2021 جىلى ادامزات كوروناۆيرۋستىڭ جاڭا نۇسقالارىنا تاپ بولاتىندىعىن اتاپ ءوتىپ، ەلدەردى جاڭا شتامدار تۋرالى اقپاراتتى ددۇ جانە باسقا مەملەكەتتەرمەن جەدەل بولىسۋگە شاقىردى.

Abai.kz