قر پارلامەنت سەناتى ءولىم جازاسىنىڭ كۇشىن جويۋعا باعىتتالعان زاڭ جوباسىن قابىلدادى.

بىلتىر جەلتوقساندا پرەزيدەنت قاسىم-جومارت توقاەۆ قازاقستاننىڭ ەكىنشى فاكۋلتاتيۆتىك حاتتاماعا قوسىلۋ ءراسىمىن باستاۋدى تاپسىرعان بولاتىن. 23 قىركۇيەكتە بۇۇ جانىنداعى ەلىمىزدىڭ تۇراقتى وكىلى قايرات وماروۆ وسى حاتتاماعا قول قويدى.

قۇجاتقا سايكەس، قول قويۋشى ەلدەر ءولىم جازاسىن قولدانباۋ جانە ونىڭ كۇشىن جويۋ ءۇشىن بارلىق قاجەتتى ءىس-شارالاردى ورىنداۋ مىندەتتەمەسىن قابىلدايدى. جالعىز ەرەكشەلىك – سوعىس ۋاقىتىندا ءولىم جازاسىن قولدانۋ تۋرالى زاڭدى تۇردە رەسىمدەلگەن ەسكەرتپە بولعان جاعدايدا رۇقسات ەتىلەدى.

جالپى ءولىم جازاسىن قولدانۋعا ەكس-پرەزيدەنت نۇرسۇلتان نازارباەۆ 2003 جىلعى 17 جەلتوقساندا موراتوري ەنگىزگەن ەدى. سودان بەرى ەلدە جوعارى جازا شاراسىن قولدانباۋدىڭ تۇراقتى قۇقىقتىق رەجيمى قالىپتاسقان.

Abai.kz