قازاقستاندىق بىتىمگەرشىلىك پولكىنە قاراستى وقۋ ورتالىعىنىڭ بازاسىندا ليۆان رەسپۋبليكاسىنداعى ميسسيانى ورىنداۋ ءۇشىن بەسىنشى قوسالقى بىتىمگەرشىلىك روتانىڭ اسكەري قىزمەتشىلەرىن وقىتۋدا. بۇل تۋرالى قر قورعانىس مينيسترلىگى مالىمدەدى.

اتالعان ميسسيانىڭ مانداتىنا سايكەس بىتىمگەرشىلىك دايارلىق، اسكەري دارىگەرلەر مەن ميناسىزداندىرۋ ورتالىقتارىنىڭ ماماندارى مەن نۇسقاۋشىلارى بەسىنشى بىتىمگەرشىلىك روتاسىنىڭ اسكەري قىزمەتشىلەرىمەن بىتىمگەرشىلىك تاقىرىبىندا تەوريالىق جانە پراكتيكالىق ساباقتار وتكىزۋدە.

تەوريالىق دايىندىققا بىرىككەن ۇلتتار ۇيىمىنىڭ نەگىزگى پرينتسيپتەرى مەن قۇرىلىمىن، سول ەلدىڭ جەرگىلىكتى تۇرعىندارىنىڭ مادەنيەتى مەن تاريحىن، وپەراتسيالاردى جۇرگىزۋگە ميسسيا مانداتىن، بىتىمگەرشىلەرگە قويلاتىن تالاپتارىن، حالىقارالىق قۇقىق پەن قارۋلى قاقتىعىستاردىڭ نەگىزدەرىن، كۇشتەردى قولدانۋ ەرەجەلەرىن زەردەلەۋ كىرەدى.

پراكتيكالىق بولىمدە اسكەري قىزمەتشىلەر بلوك بەكەتتە قىزمەتتى ۇيىمداستىرۋ، باقىلاۋدى جۇزەگە اسىرۋ، پاترۋلدەۋ، ايداۋىلداۋ، گۋمانيتارلىق جۇكتى الىپ ءجۇرۋ ماسەلەلەرىن جانە باسقا دا مىندەتتەردى پىسىقتايدى.

بەسىنشى بىتىمگەرشىلىك روتانىڭ قۇرامىنا اعىلشىن ءتىلىن مەڭگەرگەن، قولايسىز (ىستىق) اۋا رايى جاعدايلارىندا قىزمەتكە جارامدى، مورالدىق جانە پسيحولوگيالىق تۇرعىدان تۇراقتى كەلىسىمشارت بويىنشا اسكەري قىزمەتشىلەر ىرىكتەلدى.

ەستەرىڭىزگە سالا كەتسەك، قازىرگى ۋاقىتتا ليۆان رەسپۋبليكاسىندا ءتورتىنشى بىتىمگەرشىلىك روتا مىندەتتەرىن اتقارۋدا. قازاقستاندىق اسكەري قىزمەتشىلەر سول ەلدە وتكىزگەن ۋاقىتتارىندا وزدەرىن جاۋاپتى ماماندار رەتىندە تانىتتى جانە ميسسيا باسشىلىعىنىڭ، شەتەلدىك ارىپتەستەر مەن باقىلاۋشىلاردىڭ جوعارى باعاسىنا يە بولدى.

Abai.kz