ءماجىلىستىڭ جالپى وتىرىسىندا دەپۋتات رامازان سارپەكوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى جاقسىلىق دوسقاليەۆكە قوستاناي وبلىسى، ارقالىق قالاسىنىڭ تۇرعىنى ميراموۆا جانار توقتاربايقىزىنىڭ اۋىر تاعدىرى تۋرالى ساۋال جولدادى. دارىگەرلەردىڭ سالعىرتتىعىنان ورىن العان جانتۇرشىگەرلىك جاعداي كىمدى دە بولسا بەي-جاي قالدىرماس دەگەن ويمەن دەپۋتات ساۋالىنىڭ تولىق نۇسقاسىن جاريالاۋدى ءجون كوردىك.
«ميراموۆا 20 ماۋسىم كۇنى ارقالىق قالاسىنىڭ پەرزەنتحاناسىندا سالماقتارى 2 كيلوگرامنان ەگىز ۇلدى دۇنيەگە اكەلەدى. انانىڭ دا، دۇنيەگە كەلگەن نارەستەلەردىڭ دە دەنساۋلىعىنا بايلانىستى دەپ، ەكى نارەستەنى ارنايى كامەرادا ۇستايدى. الايدا، 21 ماۋسىم كۇنى بالانىڭ بىرەۋى قايتىس بولدى. دارىگەرلەردىڭ ايتۋىنشا وكپەسى جەتىلمەگەن كورىنەدى. تىكەلەي ءسىزدىڭ ارالاسۋىڭىزبەن سول كۇنى اناسىمەن ەكىنشى بالانى قوستانايعا الىپ بارعان.كەشە، ياعني 23 ماۋسىم كۇنى ساعات 16.00 كەزىندە ەكىنشى بالا دا دۇنيەدەن ءوتتى.
بۇل جولى دا دارىگەرلەردىڭ ايتۋىنشا، بالانىڭ باسىنا قان قۇيىلعان،وكپەسى جەتىلمەگەن جانە اناسىنىڭ دا دەنساۋلىعى اسەر ەتكەن كورىنەدى.
قۇرمەتتى جاقسىلىق اقمىرزاۇلى، مەنى جانە جاس انانىڭ تۋىستارىن مىنا سۇراقتار مازالاپ وتىر.
1.تولعاعى كەلىپ، اۋرۋحاناعا ءوزى بارعانعا دەيىن، بىردە ءبىر دەنساۋلىق سالاسىنىڭ قىزمەتكەرى كەلىپ،ەكى بىردەي بالاعا جۇكتى بولىپ جۇرگەن اناعا قامقورلىق جاساماعان.

ءماجىلىستىڭ جالپى وتىرىسىندا دەپۋتات رامازان سارپەكوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى جاقسىلىق دوسقاليەۆكە قوستاناي وبلىسى، ارقالىق قالاسىنىڭ تۇرعىنى ميراموۆا جانار توقتاربايقىزىنىڭ اۋىر تاعدىرى تۋرالى ساۋال جولدادى. دارىگەرلەردىڭ سالعىرتتىعىنان ورىن العان جانتۇرشىگەرلىك جاعداي كىمدى دە بولسا بەي-جاي قالدىرماس دەگەن ويمەن دەپۋتات ساۋالىنىڭ تولىق نۇسقاسىن جاريالاۋدى ءجون كوردىك.
«ميراموۆا 20 ماۋسىم كۇنى ارقالىق قالاسىنىڭ پەرزەنتحاناسىندا سالماقتارى 2 كيلوگرامنان ەگىز ۇلدى دۇنيەگە اكەلەدى. انانىڭ دا، دۇنيەگە كەلگەن نارەستەلەردىڭ دە دەنساۋلىعىنا بايلانىستى دەپ، ەكى نارەستەنى ارنايى كامەرادا ۇستايدى. الايدا، 21 ماۋسىم كۇنى بالانىڭ بىرەۋى قايتىس بولدى. دارىگەرلەردىڭ ايتۋىنشا وكپەسى جەتىلمەگەن كورىنەدى. تىكەلەي ءسىزدىڭ ارالاسۋىڭىزبەن سول كۇنى اناسىمەن ەكىنشى بالانى قوستانايعا الىپ بارعان.كەشە، ياعني 23 ماۋسىم كۇنى ساعات 16.00 كەزىندە ەكىنشى بالا دا دۇنيەدەن ءوتتى.
بۇل جولى دا دارىگەرلەردىڭ ايتۋىنشا، بالانىڭ باسىنا قان قۇيىلعان،وكپەسى جەتىلمەگەن جانە اناسىنىڭ دا دەنساۋلىعى اسەر ەتكەن كورىنەدى.
قۇرمەتتى جاقسىلىق اقمىرزاۇلى، مەنى جانە جاس انانىڭ تۋىستارىن مىنا سۇراقتار مازالاپ وتىر.
1.تولعاعى كەلىپ، اۋرۋحاناعا ءوزى بارعانعا دەيىن، بىردە ءبىر دەنساۋلىق سالاسىنىڭ قىزمەتكەرى كەلىپ،ەكى بىردەي بالاعا جۇكتى بولىپ جۇرگەن اناعا قامقورلىق جاساماعان.
وتە قاۋىپتى توپقا جاتاتىن ادامدى ارنايى ەسەپكە الىپ، ءجيى-ءجيى تەكسەرىپ، انانىڭ دا، نارەستەلەردىڭ دەنساۋلىعىن باقىلاپ وتىرۋى دارىگەرلەردىڭ تىكەلەي مىندەتى ەمەس پە؟ بۇل جۇمىس نەگە جۇرگىزىلمەگەن؟
2.ەگەر شىن مانىندە بالالاردىڭ دا، اناسىنىڭ دەنساۋلىعى ناشار، جەتىلۋ قابىلەتى تومەن بولسا، نەگە دارىگەرلەر دەر كەزىندە ەمدەپ، ەگەر قولدارىنان كەلمەسە وبلىس ورتالىعى قوستانايعا نەمەسە استاناعا قارالۋعا جىبەرمەگەن؟
3. ءبىرىنشى بالا قايتىس بولىپ، ەكىنشىسىن امان الىپ قالۋ ءۇشىن ءسىز ءوزىڭىز ارالاسقاننان سوڭ ارقالىققا استانادان جانە قوستانايدان تەلەفون سالۋشىلار كوبەيگەن. وسىعان رەنىش بىلدىرگەن پەرزەنتحانا دارىگەرلەرى ونسىز دا قينالىپ، ەس-ءتۇسسىز جاتقان جاس اناعا ءتيىسىپ، «سەن نەگە بالاڭ ولگەن سوڭ استاناعا حابارلاپ جاتىرسىڭ، مىقتى بولساڭ استاناعا بارىپ تۋمادىڭ با؟»- دەگەن سوزدەرگە دەيىن ايتقان.
بۇل نە دەگەن سۇمدىق! جاسى تاياۋدا عانا جيىرمادان اسقان اناعا باسۋ ايتىپ، كوڭىلىن جۇباتۋدىڭ ورنىنا، ادامدىق قاسيەتكە سىيمايتىن ورەسكەل مىنەز كورسەتكەن.
انا مەن بالانى قوستانايعا الىپ كەتەتىن ۋاقىتتا باس دارىگەر وزدەرىنىڭ قامىن ويلاپ، «بىزدە قاجەتتى قۇرال جوق ەكەن دەپ ايتارسىڭ»،- دەپ بەزەك بولعان.
نە بار، نە جوق ەكەنى اۋرۋ ادامعا قاجەتى قانشا؟ قولدارىنان كەلمەسە نەگە وپەراتسيا جاساعان؟
بارىمىزدە اۋىلدا تۋىپ، اۋىلدا وستىك. مەن تورعاي ءوڭىرىن ءبىر ادامداي جاقسى بىلەمىن.ەرتەرەكتە ءاربىر سوۆحوز ورتالىعىندا ۋچيليششە ءارى كەتسە تەحنيكۋم بىتىرگەن ءبىر عانا فەلدشەر جۇمىس ىستەپ،سول ەلدىڭ حيرۋرگى دا، تەراپەۆتى، كوز دارىگەرى، اكۋشەر-گينەكولوگى دە بولىپ، سول اۋىلدىڭ بالالارىنىڭ ءبارىن امان-ساۋ تۋعىزىپ، ءوسىرىپ شىقتى.
قازىر نە بولدى؟ دەنساۋلىق سالاسىنا ارنايى زاڭدى دا قابىلداپ،اقشانى دا ميللياردتاپ ءبولىپ جاتىرمىز. الايدا، دەنساۋلىق سالاسىندا حالىققا قىزمەت كورسەتۋ ساپاسى وتە تومەن بولىپ بارادى. دارىگەرلەر اۋرۋلارمەن،ەل-جۇرتپەن وتە ورەسكەل،نەمقۇرايدى سويلەسەتىن فاكتىلەرى كوبەيىپ كەتتى.
4. ەڭ ورەسكەلى، كەشە، ياعني 23 ماۋسىم كۇنى ساعات 16-دا قايتىس بولعان نارەستە جايىندا،كۇنى بۇگىنگە دەيىن نە اناسىنا، نە اۋرۋحانانىڭ مانىندا كۇتىپ جۇرگەن تۋىستارىنا حابارلاماعان.
بۇنى قالاي تۇسىنۋگە بولادى؟
5. قوستانايعا اپارعان سوڭ نارەستەنى باسقا اۋرۋحاناعا ،اناسىن باسقا اۋرۋحاناعا جاتقىزعان.دارىگەر ەمەس، قاراپايىم ادام دا بىلەدى، جاس سابيمەن اناسىنىڭ اراسىندا تىنىس ارقىلى، كوزگە كورىنبەيتىن ەرەكشە مەيىرىمدى،سەزىممەن عانا بەرىلەتىن قارىم-قاتىناستار بولادى. سوندىقتان نەگە ولاردى ءبىر جەرگە جاتقىزباعان؟
«دۇنيەگە كەلگەن ەكى ءسابيمنىڭ جۇزىندە دە كورە المادىم» دەپ ەتەگى جاسقا، كەۋدەسى انالىق سۇتكە ءيىپ وتىرعان قايعىلى جاس اناعا بۇل جايدى نە دەپ تۇسىندىرەمىز؟ بۇدان كەيىن دارىگەرگە دەگەن قانداي سەنىم بولادى؟ وسىنداي جاۋاپكەرسىزدىكتەن كەيىن تاعى دا وسىعان ۇقساس قايعىلى جاعدايدىڭ بولماۋىنا كىم كەپىلدىك بەرەدى؟
قۇرمەتتى جاقسىلىق اقمىرزاۇلى، مەن ءسىزدى ۇلكەن جۇرەكتى ازامات، بىلگىر مامان،قولى شيپالى دارىگەر دەپ سانايمىن.
ارينە، ءسىز تەكسەرۋ ۇيىمداستىرارسىز، بىراق شەتىنەپ كەتكەن بالالاردىڭ سان-ءتۇرلى اۋرۋى بار دەگەن قاعازدارى تولتىرىلىپ قويىلعانىنا مەنىڭ كۇمانىم جوق.
مەنىڭ ماقساتىم، قازاقستاننىڭ قاي ەلدى مەكەنىندە بولماسىن وسىنداي اۋىر قايعى الداعى ۋاقىتتا ورىن الماسىن، دارىگەرلەر ادام جانىنىڭ اراشاسى ەكەنىن سەزىنسىن دەگەن نيەتپەن ءسىزدىڭ نازارىڭىزعا وسى دەپۋتاتتىق ساۋالدى جولداپ وتىرمىن».

«ەل» ۇلتتىق قوعامدىق-ساياسي، ەكونوميكالىق اپتالىعى 30 ماۋسىم 2009 جىل