تالدىقورعان قالالىق ءماسليحاتى دەپۋتاتتىعىنا كانديدات ابدۋراسۋل مۋللاحۋنوۆ كاسىپوداق ۇيىمىنىڭ وكىلدەرىمەن كەزدەستى. كەزدەسۋ بارىسىندا سايلاۋالدى باعدارلامانىڭ باسىم باعىتتارى مەن ماقسات-مىندەتتەرى ءسوز بولدى.

سونىمەن قاتار، مەملەكەتتىك تاپسىرمالاردى جۇزەگە  اسىرۋ، ەڭبەك ۇجىمدارىنىڭ كاسىپوداق قوزعالىسىنا اتسالىسۋى، الەۋمەتتىك جەلى ارقىلى جۇمىستى جانداندىرۋ، قىزمەتكەرلەردىڭ قۇقىقتارىن قورعاۋ، كاسىپوداق بەلسەندىلەرىنىڭ بىلىكتىلىگىن ارتتىرۋ، اعىمداعى جىلى اتقارىلاتىن جۇمىستار مەن جوسپارلار تالقىلاندى. ا.سۇلتانۇلى «قىزمەتىنىڭ سيپاتى مەن كاسىبي مۇددەلەرىنىڭ ورتاقتىعىنا قاراي ۇيىمداسقان، ءوز مۇشەلەرىنىڭ الەۋمەتتىك-ەكونوميكالىق قۇقىقتارى مەن مۇددەلەرىن قورعاۋ ءۇشىن قۇرىلاتىن كاسىپوداق ۇيىمدارىنىڭ ماڭىزى زور.

ەلباسى ن.نازارباەۆ «جۇمىسشىلار وزدەرىن لايىقتى سەزىنۋلەرى ءۇشىن كاسىپوداقتار قوز­عا­لىسى ءوز بيىگىندە بولۋى ءتيىس» دەگەن بولاتىن. ياعني، ەڭبەك زاڭناماسىنىڭ ساق­­تا­لۋىن قاداعالاۋ، تالاپ ەتۋ ۇيىم ءۇشىن ماڭىزدى دا جا­ۋاپ­تى مىندەت بولىپ سانالادى»-دەپ مەملەكەتتىك كورسەتىلەتىن قىزمەتتەردىڭ قولجەتىمدىلىگى تۋرالى ايتىپ ءوتتى. «Nur Otan» پارتياسى جەرگىلىكتى اتقارۋشى ورگاندار مەن قوعامنىڭ ءوزارا قارىم-قاتىناسىنىڭ مۇلدەم جاڭا سيپاتىن قالىپتاستىرۋ قاجەت ەكەنىن العا تارتادى.

ىنتىماقتاستىقتىڭ باستى قاعيداتتارى اشىقتىق، ەسەپتىلىك جانە سىبايلاس جەمقورلىققا قارسى ءىس-قيمىل بولۋى ءتيىس. ول ءۇشىن «Nur Otan» پارتياسى قالا تۇرعىندارىنىڭ ماسەلەلەرىن اشىق تالقىلاۋ جانە شەشۋ جولدارىن ىزدەۋ الاڭىنا اينالماق. سونىمەن قاتار، 2025 جىلعا قاراي «ءبىر تەرەزە» قاعيداتى بويىنشا كورسەتىلەتىن مەملەكەتتىك قىزمەتتەردىڭ ساپاسىن 90%-عا جانە قازىرگى زامانعى تەحنولوگيالاردى قولدانا وتىرىپ مەملەكەتتىك قىزمەتتى اۆتوماتتاندىرۋدى 100% -عا جەتكىزۋگە جاردەمدەسەتىن بولادى.

«Open Taldyqorgan: اشىق اكىمدىك» تسيفرلىق اقپاراتتىق جۇيەلەرىن دامىتۋعا ىقپال ەتەدى. 2025 جىلعا قاراي ەكى حقكو قۇرىلىسى جۇرگىزىلىپ، قولدانىسقا بەرىلەدى. «تالدىقورعان – ادال قالا» جوبالىق كەڭسەسىمەن بىرلەسە وتىرىپ، تۇرعىندار اراسىندا سىبايلاس جەمقورلىقتىڭ الدىن الۋ جانە ەسكەرتۋ بويىنشا ءىس-شارالارعا ازاماتتاردى تارتۋعا كومەك كورسەتۋ، اكىمدىكتەر جانىنداعى قوعامدىق جانە باقىلاۋ كەڭەستەرىنىڭ جۇمىسىنا ازاماتتىق سەكتور وكىلدەرىن تارتۋدى قامتاماسىز ەتۋ، مەملەكەتتىك قىزمەت كورسەتۋدىڭ ساپاسى مەن قولجەتىمدىلىگىنىڭ پارتيالىق جانە قوعامدىق مونيتورينگىن جۇرگىزۋ سىندى شارالار دا نازاردان تىس قالماق ەمەس.

ەسكەرتۋ: ماتەريالدىڭ اقىسى «Nur Otan» پارتياسىنىڭ الماتى وبلىسى تالدىقورعان قالالىق فيليالىنىڭ سايلاۋ قورىنان تولەندى.

Abai.kz