بۇگىن پارلامەنت جانە ءماسليحات دەپۋتاتتىعىنا ۇمىتكەرلەردىڭ سوڭعى ۇگىت-ناسيحات كۇنى. ەرتەڭ، ياعني سايلاۋعا ءبىر كۇن قالعاندا تىنىشتىق كۇنى وتەدى. ال، 10 قاڭتار كۇنى سايلاۋ.

سونىمەن، سايلاۋعا قاتىسىپ جاتقان ساياسي پارتيالاردىڭ ۇگىت-ناسيحاتتار جۇمىستارى قالاي ءجۇرىپ جاتىر؟..

«ADAL» پارتياسى

«ADAL»  پارتياسى قازاقستانداعى پارلامەنتتىك سايلاۋ تاريحىندا تۇڭعىش رەت بۇگىن دەپۋتاتتىققا ۇمىتكەرلەردىڭ 12 ساعاتتىق تىكەلەي ەفيرىن وتكىزىپ جاتىر.

«ADAL» پارتياسىنىڭ ينستاگرام مەن فەيسبۋكتەگى رەسمي پاراقشالارىندا، سونداي-اق Youtube-كانالىندا ءۇزىلىسسىز تىكەلەي ەفير 8 قاڭتاردا ساعات 12.00-دەن 23.59-عا دەيىن ۇيىمداستىرىلدى. وسىلايشا، تىكەلەي ەفير باق پەن ينتەرنەتتە كەز-كەلگەن ۇگىت ماتەريالدارىن جاريالاۋعا تىيىم سالىنعان «تىنىشتىق كۇنى» دەپ اتالاتىن كۇن باستالۋعا ءبىر مينۋت قالعاندا اياقتالادى.

تىكەلەي ەفيردى ءماجىلىس دەپۋتاتتىعىنا ۇمىتكەرلەر ماقسات تولىقباي، داۋلەت مۇقاەۆ، ولجاس ورداباەۆ، الماسبەك سادىرباەۆ، لاۋرا ماليكوۆا، اقمارال بەكمۇرزاەۆا، الينا اسقاروۆا جانە پارتيا وكىلدەرى نۇرلىبەك مۇقانوۆ، انۋار كەرەمباەۆ جۇرگىزەدى.

«اق جول» پارتياسى

«اق جولمەن» بىرگە جارقىن جولمەن!» اتتى اۆتوشەرۋى ەلىمىزدىڭ بارلىق قالالارىندا ءوتتى. مۇنداي كرەاتيۆتى ءارى ەرەكشە ناۋقاندى «اق جولدىڭ» رەسپۋبليكالىق شتابى ءداستۇرلى تۇردە ۇگىت-ناسيحات ناۋقانىنىڭ سوڭعى كۇنىندە ۇيىمداستىرادى.

بۇگىن قازاقستاننىڭ بارلىق وڭىرىندەگى «اق جول» پارتياسىنىڭ كەڭسەلەرىنەن جالاۋلار جانە ۇگىت اتريبۋتتارىمەن بەزەندىرىلگەن اق اۆتوكولىكتەر لەگى ءبىر مەزگىلدە جولعا شىقتى.

كولىكتەردىڭ ءتۇسىنىڭ اق بولۋى كەزدەيسوقتىق ەمەس، ول «اق جول» دەموكراتيالىق پارتياسىنىڭ اتاۋى - جارقىن جولمەن سايكەس كەلەدى. اق ءتۇس تازالىقتى، تاڭدالعان جولدىڭ اشىقتىعىن بىلدىرەدى.

«اۋىل» پارتياسى

2021 جىلعى 8 قاڭتاردا «اۋىل» حالىقتىق-دەموكراتيالىق پاتريوتتىق پارتياسى الماتى وبلىسىنداعى «بايسەركە-اگرو» جشس-گى بازاسىندا «اۋىل  – ەل ىرزىعىنىڭ يەسى!» اكتسياسىمەن ءوزىنىڭ سايلاۋالدى ناۋقانىن اياقتادى. ءىس-شاراعا پارتيا توراعاسى ءالي بەكتاەۆا، قر پارلامەنتى ءماجىلىسى مەن بارلىق دەڭگەيدەگى ماسليحاتتارعا كانديداتتار قاتىستى.

«اۋىل» پارتياسىنىڭ توراعاسى ۇگىت-ناسيحات جۇمىستارىنىڭ قورىتىندىسىنا توقتالىپ، وسى ءىس-شارانى وتكىزۋ ورنى مەن فورماتىن تاڭداۋ كەزدەيسوق ەمەس ەكەنىن اتاپ ءوتتى، ويتكەنى باعدارلامالىق پلاتفورمانىڭ باستى باعىتى اوك-ءتى دامىتۋ جانە اۋىلدى جانداندىرۋ بولىپ تابىلادى.

ول ءبىر اي ىشىندە بارلىق وڭىرلەردە تولىق اۋقىمدى ۇگىت-ناسيحات ناۋقانى جۇرگىزىلگەنىن اتاپ ءوتتى. «اۋىل» پارتياسىنىڭ ۇگىت جۇمىسى ءبىر كۇنگە دە توقتاعان جوق. ۇگىت-ناسيحات جۇمىسىنىڭ العاشقى كۇنىنەن باستاپ رەسپۋبليكالىق جانە وبلىستىق باق-تا جاريالاۋمەن 200-دەن استام ءىس-شارا وتكىزىلدى. بەكىتىلگەن مەديا-جوسپارعا سايكەس وڭىرلەردە قر پارلامەنتى ءماجىلىسىنىڭ دەپۋتاتتىعىنا كانديداتتاردىڭ قاتىسۋىمەن ءتيىستى دەڭگەيدە 300-دەن استام ءىس-شارا ۇيىمداستىرىلدى. 6000-نان استام ءىس-شارا وبلىستىق جانە اۋداندىق ماسليحاتتارعا كانديداتتاردىڭ قاتىسۋىمەن رەسپۋبليكالىق جانە وڭىرلىك بۇقارالىق اقپارات قۇرالدارىن تارتا وتىرىپ ۇيىمداستىرىلدى، وعان «اۋىل» پارتياسىنان دەپۋتاتتىققا كانديداتتاردىڭ كاسىپورىندار ۇجىمدارىمەن كەزدەسۋلەرى، كەڭەستەر، دوڭگەلەك ۇستەلدەر، فلەشموبتار كىردى. 20 جەلتوقساننان باستاپ «اۋىلدان اۋىلعا» رەسپۋبليكالىق اكتسياسى باستالدى، ونىڭ ماقساتى ەڭ شالعاي اۋىلداردىڭ تۇرعىندارىمەن كەزدەسۋ جانە ولارعا پارتيانىڭ سايلاۋالدى باعدارلاماسىن جەتكىزۋ. وسى ۋاقىت ىشىندە بارلىق دەڭگەيدەگى دەپۋتاتتىققا كانديداتتار 2145 اۋىلعا باردى.

قازاقستان حالىق پارتياسى

8 قاڭتاردا نۇر-سۇلتاندا قازاقستان حالىق پارتياسىنىڭ ءباسپاسوز كونفەرەنتسياسى ءوتتى. بريفينگتى ۇيىمداستىرۋشىلار قحپ اتىنان پارلامەنت ءماجىلىسىنىڭ دەپۋتاتتىعىنا كانديداتتار مەن «URANkz» رقب وكىلدەرىن بىرىكتىرگەن «قىزىل اۆتوبۋس» اكتسياسىنىڭ قورىتىندىلارىمەن ءبولىستى.

بىرنەشە اي بويى، سونىڭ ىشىندە سايلاۋ الدىنداعى ۇگىت كەزەڭىندە قحپ اتىنان ءماجىلىس دەپۋتاتتىعىنا كانديداتتار جۋرناليستەرمەن جانە بلوگەرلەرمەن بىرگە ەلىمىزدىڭ وڭىرلەرىن ارالادى. «URANkz» قوزعالىسىنىڭ جانە پارتيانىڭ مۇشەلەرى قازاقستاننىڭ تۇكپىر-تۇكپىرىندە ادامداردىڭ قالاي ءومىر ءسۇرىپ جاتقانىن ءوز كوزدەرىمەن كوردى. ولار جەرگىلىكتى بيلىك تاراپىنان جىلدار بويى شەشىلمەگەن نەگىزگى پروبلەمالاردى انىقتادى.

بريفينگكە قاتىسۋشىلار وڭىرلەردەگى پروبلەمالارعا قاتىستى مىسالداردى كوپتەپ ايتۋعا بولاتىنىن اتاپ ءوتتى. قحپ وكىلدەرى قوعامدا پارتيا وكىلدەرىنە ايتىلعان بارلىق ۇسىنىستاردى قولدايتىنىنا سەنىم ءبىلدىردى. بۇل –قازاقستاننىڭ اۋماقتىق تۇتاستىعى، مەملەكەتتىك ءتىلدى دامىتۋ، ايەلدەر مەن بالالارعا قاتىستى تۇرمىستىق زورلىق-زومبىلىقتىڭ الدىن الۋ جانە ت. ب. جونىندەگى مالىمدەمەلەر.

Abai.kz