«دەلويت» نۇر-سۇلتان مەن الماتى قالالارىنداعى جۇقپالى اۋرۋلار اۋرۋحانالارىن سالۋعا كەتكەن شىعىنداردى تەكسەرۋدى اياقتادى

2021 جىلعى شىعىنداردىڭ نەگىزدىلىگىنە قاتىستى تاۋەلسىز قارجىلىق-تەحنيكالىق تالداۋعا سايكەس BI Group شىعىندارى جالپى جوبالاردى ىسكە اسىرۋ ماقساتتارىنا سايكەس كەلەدى:

• ماسەلەن، نۇر-سۇلتان قالاسىنداعى جۇقپالى اۋرۋلار گوسپيتالى بويىنشا قۇرىلىس حولدينگى مالىمدەگەن قۇنى ققس-سىز 5 034 233 مىڭ تەڭگە جالپى سوماسى ققس-سىز 4 956 769 مىڭ تەڭگەگە باعالانعان قۇرىلىس قۇنى راستالدى;
• الماتى قالاسىنداعى جۇقپالى اۋرۋلار مەديتسينالىق مەكەمەسىنىڭ قۇرىلىسى بويىنشا شىعىنداردى «دەلويت» جالپى سوماسى ققس-سىز 4 363 409 مىڭ تەڭگەگە راستادى، قۇرىلىس حولدينگى مالىمدەگەن قۇنى ققس-سىز 4 383 083 مىڭ تەڭگە.

تاپسىرىس بەرۋشىلەر بۇگىنگى تاڭدا نۇر-سۇلتان قالاسىنداعى گوسپيتال بويىنشا ققس-سىز 4 665 178 مىڭ تەڭگە جانە الماتىداعى گوسپيتال بويىنشا ققس-سىز 4 221 065 مىڭ تەڭگە مولشەرىندە سوما تولەدى. جوبالاردىڭ قارجىلىق ناتيجەسىنىڭ تەرىس بولۋ سەبەبى شەكتەۋلى مەرزىم مەن قازاقستانداعى جانە ودان تىس جەرلەردەگى شەكارالاردىڭ جابىلعان ۋاقىتىندا ۇستەمە شىعىنداردىڭ ءوسىپ كەتۋى سالدارىنان بولعاندىعىن اتاپ وتكەن ءجون. حولدينگ قازىرگى ۋاقىتتا تاپسىرىس بەرۋشىلەر تاراپىنان قويىلاتىن تالاپتارعا بايلانىستى گوسپيتالدارعا قوسىمشا جابدىقتاۋ جۇمىستارىن جۇرگىزىپ جاتىر.

BI Group حولدينگى وتكەن جىلدىڭ ءساۋىر ايىندا جۇقپالى اۋرۋلار گوسپيتالدارىنىڭ قۇرىلىسىنا بولىنگەن قاراجاتتىڭ ماقساتتى پايدالانىلۋىن راستاۋ ءۇشىن حالىقارالىق دەڭگەيدەگى بەدەلدى كومپانيا شاقىرىلاتىنىن ايتقاندىعىن ەستەرىڭىزگە سالا كەتەيىك. شىعىنداردىڭ نەگىزدىلىگىنە قاتىستى Deloitte TCF كومپانياسىمەن تاۋەلسىز قارجىلىق-تەحنيكالىق تالداۋ قىزمەتتەرىن كورسەتۋگە ارنالعان شارت 2020 جىلعى 13 ساۋىردە جاسالعان.

انىقتامالىق اقپارات: Deloitte – الەمنىڭ 150-دەن استام ەلىندە ەكونوميكانىڭ ءتۇرلى سالاسىندا جۇمىس ىستەيتىن كاسىپكەرلەرگە كونسالتينگ جانە بۋحگالتەرلىك  ەسەپتىلىكتى تەكسەرۋ بويىنشا قىزمەت كورسەتەتىن ءارى اۋديتورلىق فيرمالاردىڭ جاھاندىق «ۇلكەن تورتتىگىنە» كىرەتىن كومپانيالاردىڭ حالىقارالىق جەلىسى.

Abai.kz