بۇگىن قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعانۇلى كيەلى تۇركىستان وبلىسىنا رەسمي ساپارمەن باردى. ساپار بارىسىندا باس ءمۇفتي وتىرار اۋدانى ءشاۋىلدىر ەلدىمەكەنىندەگى «ەسەن انا» مەشىتىندە جۇما نامازىن جۇرگىزدى.

جۇما نامازعا قمدب اپپارات باسشىسى عىلىمبەك جادىگەرۇلى، شاريعات جانە ءپاتۋا ءبولىمىنىڭ مەڭگەرۋشىسى سانسىزباي قاجى قۇربانۇلى قاتىستى.

جاماعاتقا ناسيحات ايتقان ناۋرىزباي قاجى تاعانۇلى: «اللاعا سانسىز شۇكىرلەر بولسىن! بۇگىن ءبىر جىلعا جۋىق اسىعا كۇتكەن جۇما نامازىن وقۋعا مۇمكىندىك الدىق. قاۋىپسىز «جاسىل ايماقتا» ورنالاسقان مەشىتتەرىمىزدە جۇما نامازىن وقۋعا رۇقسات بەرىلدى. مىنەكي، سىزدەردىڭ دۇعالارىڭىزدىڭ ارقاسىندا، ورتاق پاتۋاعا باعىنعان بىرلىگىمىزدىڭ ناتيجەسىندە وسىنداي وڭ شەشىمنىڭ قابىلدانۋىنا سەبەپشى بولدىق. ءتاۋبا! وسى كۇنگە جەتكىزگەن جاراتقانعا مىڭ ءتاۋبا!

وزدەرىڭىز جاقسى بىلەسىزدەر، بۇگىندە بارشا الەم جۇقپالى ىندەتتىڭ زاردابىن ءالى كۇنگە دەيىن كورىپ كەلەدى. ارينە، ءبارىمىز جۇما نامازىن ساعىندىق. الايدا وسىنداي جاقسى سەزىم ءبىر-بىرىمىزگە قيانات جاساۋعا اكەپ سوقپاۋى كەرەك.

وسى رەتتە سىزدەردى جۇما نامازى كەزىندە سانيتارلىق تالاپتاردى قاتاڭ ساقتاۋعا شاقىرامىن. اۋەلى ءوزىمىزدى، سودان كەيىن وزگەنى جۇقپالى دەرتتەن ساقتايىق. اللا تاعالا تارتىپكە باعىنىپ، ۇدايى جۇما نامازىمىزدى وقۋدى ءناسىپ ەتكەي. راببىمىز ەلىمىزدەگى بارلىق مەشىتتىڭ ەسىگىن جۇما نامازعا تولىق اشۋدى ءناسىپ ەتكەي! ۇرپاعىمىزدى ساليقالى ەتكەي. اسا راقىمدى حاق تاعالا جەر بەتىنىن جۇقپالى ىندەتتى جويىپ، جاقسى كۇندەردە جۇزدەسۋدى جازعاي. ءامين» دەدى.

ايتا كەتسەك، بۇگىن «ەسەن انا»  مەشىتىنە كەلگەن جاماعات دەنە قىزۋىن تەكسەرەتىن قۇرىلعى ارقىلى قۇلشىلىق ۇيىنە كىردى. جۇما نامازى سانيتارلىق تالاپتارعا سايكەس وتكىزىلدى. يمامدار كۇشەيتىلگەن رەجيمدە قىزمەت ەتتى.

Abai.kz