ءماجىلىس توراعاسى نۇرلان نىعماتۋلين ينتەگراتسيالىق بىرلەستىكتەردىڭ جۇمىس ورگاندارىندا قازاقستاننىڭ بىركەلكى وكىلدىك ەتۋ قاعيداتىنىڭ ساقتالۋىنا قاتىستى پىكىر ءبىلدىردى.  

بۇگىن ءماجىلىستىڭ جالپى وتىرىسىندا كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسى تۋرالى شارتقا راتيفيكاتسيالىق تۇزەتۋلەردى قاراۋ بارىسىندا دەپۋتاتتار 10 جۇمىس توبىنىڭ ىشىنەن ءتۇرلى باعىتتار بويىنشا بىرىككەن ارىپتەستىك شەڭبەرىندە تەك بىرەۋىن قازاقستاندىق تاراپ، ال 9-ىن رەسەي وكىلدەرى باسقاراتىنىنا نازار اۋداردى.

ءماجىلىس توراعاسى نۇرلان نىعماتۋلين بۇل ماسەلەنىڭ قازاقستاننىڭ مۇددەسىن قورعاۋ ءۇشىن ماڭىزدىلىعىن ايتىپ، دەپۋتاتتار بارلىق پارلامەنتتىك ينتەگراتسيالىق بىرلەستىكتەردەگى جۇمىس تاسىلدەرىن وزگەرتۋ ءۇشىن كوپتەگەن شارالاردى قولعا الىپ كەلە جاتقانىنا نازار اۋداردى.

ن.نىعماتۋليننىڭ پىكىرىنشە، وسىنداي قادامداردى جۇمىس ورگاندارىندا دا جاساۋ كەرەك.

Abai.kz