الماتىدا نان ساتىپ الۋعا شەكتەۋ قويىلدى. ەندى ءبىر ادامعا بەس ناننان ارتىق بەرىلمەيدى. بۇل تۋرالى الماتى قالاسىنىڭ كاسىپكەرلىك جانە ينۆەستيتسيالار باسقارماسى مالىمدەدى،- دەپ حابارلادى Tengrinews.kz.

ۆەدومستۆو مالىمەتىنشە، نان ساتۋعا شەكتەۋ "اقساي" حبك" كومپانياسىنىڭ فيرمالىق دۇكەندەرىندە بەلگىلەنگەن. مۇنداي تاجىريبە بۇعان دەيىن دە قولدانىلعان، قالا تۇرعىندارىنا الاڭدايتىن ەشتەڭە جوق ەكەنى ايتىلى.

- مۇنداي شەكتەۋلەر ءجيى بولىپ تۇرادى، بۇل ادەتتەگى تاجىريبە. بۇل شارالار تومەندەتىلگەن بولشەك باعاداعى نان تاپشىلىعىن بولدىرماۋ ءۇشىن قابىلدانادى. ءبىز ازىق-تۇلىك باعاسىن بەلگىلەپ وتىرامىز. الايدا كەيىن ناندى قىمباتىراق باعامەن قايتا ساتۋ ءۇشىن تاڭەرتەڭ بارلىعىن الىپ كەتەتىن جاعدايلار كەزدەسەدى. سودان سوڭ تۇرعىندار قالادا نان تاپشى، ءبارى قىمبات دەگەن پىكىردە بولادى. الايدا بۇل ولاي ەمەس، سوندىقتان وسىنداي شەكتەۋلەر ەنگىزەمىز, - دەدى باسقارما وكىلى.

شەكتەۋلەر نان زاۋىت باعاسىمەن ساتىلاتىن تەك فيرمالىق دۇكەندەرگە قاتىستى. قالانىڭ باسقا دۇكەندەرىندە مۇنداي شەكتەۋ جوق.

- جالپى، "اقساي "حبك" الەۋمەتتىك نان ءوندىرىسى بۇرىنعى دەڭگەيدە قالادى. قالا دۇكەندەرىنە ءونىم جەتكىزۋ كولەمى ازايعان جوق. اكىمدىك پەن "اقساي" حبك اراسىندا جاسالعان شارت اياسىندا زاۋىتتىڭ ءبىر بولكە ءۇشىن باعاسى - 75 تەڭگە، - دەپ تولىقتىردى ۆەدومستۆوداعىلار.

Abai.kz