ادام قۇقىقتارى ءجونىندەگى ەۋروپالىق سوت رەسەيدى تەز ارادا الەكسەي ناۆالنىيدى بوساتۋدى تالاپ ەتتى.

سوت رەگلامەنتىنە سايكەس، تالاپ مىندەتتى تۇردە ورىندالۋعا جاتادى. كەرى جاعدايدا شارا قولدانىلادى. بىراق ادىلەت مينيسترلىگى بۇل تالاپتى ورىندامايتىنىن جەتكىزدى.

اقپان ايىندا ماسكەۋ سوتى ناۆالنىيدى 2014 جىلى شىعارىلعان شەشىمدى العا تارتىپ، 2 جىل 8 ايعا قاماۋ تۋرالى شەشىم شىعارعان. ول وندا الاياتىق بابىمەن ايىپتالعان. 2017 جىلى ادام قۇقىقتارى جونىندەگى ەۋروپالىق سوت "يۆ روشە" دەگەن ىستە ناۆالنىيدىڭ قۇقىعى بۇزىلىپ، ادىلەتتى تۇردە تەرگەۋگە مۇمكىندىك بەرىلمەدى دەگەن قاۋلى شىعارعان.

ناۆالنىيعا وتەماقى تولەنگەن. بىراق رەسەيدىڭ جوعارعى سوتى شەشىم زاڭدى دەپ، ونى وزگەرتۋدەن باس تارتقان.

رەسەيدىڭ ادىلەت مينيسترلىگىنىڭ ءباسپاسوز قىزمەتى تاسس اگەنتتىگىنە ەۋروپالىق سوتتى "تاۋەلسىز مەملەكەتتىڭ سوت جۇيەسىنە ارالاستى" دەپ ەسەپتەيتىنىن جەتكىزگەن.

اقپان ايىنىڭ باسىندا ەۋروپالىق كەڭەستىڭ مينيسترلەر كوميتەتى اتالعان ماسەلە بويىنشا ناۆالنىيدىڭ ءوتىنىشىن قاراۋعا كىرىسكەن.

ەگەر كوميتەت ناۆالنىيدىڭ ءوتىنىشى نەگىزدى دەپ سانايتىن بولسا، ەۋروپالىق كەڭەستە رەسەيدىڭ قۇقىعى توقتاتىلۋى مۇمكىن.

ناۆالنىيدى اباقتىعا قاماۋ تۋرالى سوت شەشىمى ءالى كۇشىنە ەنبەدى. ادۆوكاتتارىنىڭ ارىزى ەۋروپالىق سوتقا جىبەرىلگەن.

Abai.kz