بىرىككەن ۇلتتار ۇيىمى مەن رەسەي پرەزيدەنتىنىڭ ارنايى وكىلدەرى سيريا جونىندەگى كەلەسى كەزدەسۋ قازاقستان استاناسىندا وتەتىنىنە سەنىم ءبىلدىردى. بۇل تۋرالى 24 kz مالىمدەدى.

اتالعان كەلىسىم تۋرالى سوچيدە وتكەن باسقوسۋ بارىسىندا بەلگىلى بولدى.

ەكى كۇنگە سوزىلعان استانا پروتسەسىنىڭ جۇمىسى اياقتالدى. ونىڭ قورىتىندىسى بويىنشا كەپىل مەملەكەتتەر بىرلەسكەن مالىمدەمە جاسادى. رەسەي، تۇركيا جانە يران ەلدەرى سيريانىڭ اۋماقتىق تۇتاستىعى مەن ەگەمەندىگىن مويىندايتىنىن حابارلادى. تاراپتار تەرروريزممەن كۇرەسۋگە تولىقتاي دايىن ەكەنىن ايتىپ، سيرياداعى سەپاراتيستىك ارەكەتتەردىڭ كورشى ەلدەر قاۋىپسىزدىگىنە قاتەر توندىرەتىن اتاپ ءوتتى.

سونىمەن قاتار سيريا مۇنايىن زاڭسىز باسىپ الۋ ارەكەتىن ايىپتاپ، دۇنيەجۇزىلىك دەنساۋلىق ساقتاۋ ۇيىمىنا سيريا حالقىن ۆاكتسينالاۋ ءىسىن ءجىتى نازارعا الۋ كەرەك دەگەن ۇسىنىس ايتتى.

باسقوسۋعا جينالعاندار قاقتىعىس ايماعىندا قاماۋدا وتىرعان تۇلعالاردى بوساتۋ بويىنشا ءوزارا ىنتىماقتاستىقتى ءارى قاراي دامىتۋعا ۋاعدالاستى.

Abai.kz