ەكس-مينيستر ەلجان ءبىرتانوۆتىڭ ۇيقاماقتا وتىرۋ مەرزىمى ۇزارتىلدى. بۇل تۋرالى ونىڭ زاڭگەرى دميتري كۋرياچەنكو ايتتى.

«تەرگەۋ ۇيقاماق مەرزىمىن 2021 جىلدىڭ 12 اقپانىندا ۇزارتۋدى سۇرادى، سوت ناۋرىزدىڭ سوڭىنا دەيىن ۇزارتتى. بۇل شەشىمدى زاڭسىز دەپ ويلايمىن. سول سەبەپتى توقاەۆقا حات جولدادىم»،- دەدى ادۆوكات.

ەسكە سالا كەتەيىك، بۇعان دەيىن ەكس-مينيستر مەملەكەت قارجىسىن جىمقىردى دەگەن كۇدىككە ىلىنگەن بولاتىن. ول وتكەن جىلدىڭ قاراشا ايىندا تۇتقىندالدى. 2020 جىلدىڭ 25 ماۋسىمىندا دەنساۋلىق ساقتاۋ ءمينيسترى قىزمەتىنەن بوساتىلعان بولاتىن.

2020 جىلدىڭ قاراشاسىندا ادۆوكاتى ءبىرتانوۆتىڭ ادۆوكاتى ەكس-ءمينيستردىڭ ۇيقاماقتا ەكەنىن مالىمدەدى.

2021 جىلدىڭ قاڭتارىندا نۇر-سۇلتان قالالىق تەرگەۋ سوتى ەكس-ءمينيستردى ۇيقاماقتا بولۋىن اقپاننىڭ سوڭىنا دەيىن ۇزارتقان بولاتىن.

Abai.kz