جاڭاتاس قالاسىنداعى ءورت سالدارىنان 5 بالاسى قايتىس بولعان وتباسىنا جاڭا پاتەر بەرىلدى. بۇل تۋرالى جامبىل وبلىسىنىڭ اكىمشىلىگى مالىمدەدى.

«بالالاردىڭ اتا-اناسىنا دەمەۋشىلەر ەسەبىنەن جاڭاتاس قالاسىنان 3 بولمەلى پاتەر بەرىلدى، ال سارىسۋ اۋدانىنىڭ كاسىپكەرلەرى باسپاناعا قاجەتتى جيھاز بەن تەحنيكا الىپ بەردى. قوعامدىق ۇيىمدار، دەمەۋشىلەرمەن 3 ملن تەڭگەدەن استام قارجى جينالىپ، ماتەريالدىق كومەك كورسەتىلدى»,- دەلىنگەن حابارلامادا.

ودان بولەك، مەملەكەتتىك قىزمەتكەرلەر ءبىر كۇندىك جالاقىسىن كومەك رەتىندە جولدادى.

ايتا كەتەيىك، 19 اقپان كۇنى جامبىل وبلىسى سارىسۋ اۋدانى جاڭاتاس قالاسىنداعى 2 ىقشاماۋدانداعى 5 قاباتتى تۇرعىن ءۇيدىڭ 3-ءشى قاباتىندا ءورت شىققان. سالدارىنان  2015, 2016, 2017, 2019 جانە 2020 جىلى تۋعان بەس بالا قايتىس بولدى.

ال، وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى باقىت راتاەۆ ءورت وقيعاسى بويىنشا سوتقا دەيىنگى تەرگەۋ امالدارى باستالعان حابارلادى.

Abai.kz