2024 جىلدان باستاپ اۋدان اكىمدەرىن سايلاۋ جۇيەسى ەنگىزىلەدى. بۇل تۋرالى ۇلتتىق قوعامدىق سەنىم كەڭەسىنىڭ بەسىنشى وتىرىسىندا قر پرەزيدەنتى قاسىم-جومارت توقاەۆ ءمالىم ەتتى.

«كەلەسى ماڭىزدى قادام – اۋدان اكىمدەرىنىڭ تىكەلەي سايلاۋى. مەن بۇل سايلاۋدى 2024 جىلى وتكىزۋ كەرەك دەپ سانايمىن. وسى باستاما ەلىمىزدى دەموكراتيالاندىرۋعا جانە جەرگىلىكتى باسقارۋ ينستيتۋتىن نىعايتۋعا ەلەۋلى ۇلەس قوسادى دەپ سەنەمىن. تۇپتەپ كەلگەندە، اۋدانداردا سايلاۋ وتكىزۋ – حالىق بيلىگىن ورتانۋدىڭ ايقىن كورىنىسى بولماق. سوندىقتان قۇزىرلى مەملەكەتتىك ورگاندارعا قاجەتتى دايىندىق جۇمىستارىن جۇرگىزۋدى تاپسىرامىن»، - دەدى مەملەكەت باسشىسى.

ايتا كەتەيىك، بۇگىن ۇلتتىق كەڭەستىڭ بەسىنشى وتىرىسى ءوتتى. جاڭارتىلعان ءماجىلىس قۇرامىندا ۇلتتىق كەڭەستىڭ 9 مۇشەسى بار.وتكەن جىلى 22 قازاندا قر پرەزيدەنتى قاسىم-جومارت توقاەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ءتورتىنشى وتىرىسى، ال 2019 جىلى 6 قىركۇيەكتە العاشقى وتىرىسى بولدى.

Abai.kz