2023 جىلى دارىگەرلەردىڭ جالاقىسى 561 مىڭ تەڭگەگە جەتەدى. بۇل تۋرالى بۇگىن قر دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى الەكسەي تسوي ايتتى.

دەنساۋلىق ساقتاۋ ءمينيسترى مەملەكەت باسشىسى بيىلدان باستاپ دارىگەرلەردىڭ جالاقىسىن كەزەڭ-كەزەڭىمەن كوتەرۋ مىندەتىن قويعانىن ەسكە سالدى.

- «2023 جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان ەكى جارىم ەسە جوعارى دەڭگەيگە جەتەدى دەپ بولجانۋدا. ماسەلەن، 247 مىڭ مەديتسينا قىزمەتكەرىنىڭ جالاقىسىن كوتەرۋگە رەسپۋبليكالىق بيۋدجەتتە ءتيىستى شىعىستار كوزدەلگەن: 2021 جىلى – 222 ملرد تەڭگە، 2022 جىلى – 362 ملرد تەڭگە، 2023 جىلى - 557 ملرد تەڭگە. وسىلايشا، 2021 جىلى دارىگەرلەردىڭ ورتاشا جالاقىسى شامامەن 320 مىڭ تەڭگە بولادى. 2023 جىلى 561 مىڭ تەڭگەگە دەيىن جەتەدى. 2021 جىلى ورتا مەديتسينا قىزمەتكەرلەرىنىڭ ورتاشا جالاقىسى 173 مىڭ تەڭگە، 2023 جىلى 210 مىڭ تەڭگەگە جەتەدى», - دەدى الەكسەي تسوي.

Abai.kz