قىرعىزستان پرەزيدەنتى سادىر جاپاروۆ قازاقستانعا العاشقى رەسمي ساپارىن جاسادى. ەكى ەل اراسىنداعى قارىم-قاتىناستى جاقسارتۋ، تۋىنداعان ماسەلەلەردى رەتتەۋ مەن بايلانىستى ارتتىرۋ بويىنشا بىرنەشە قۇجاتتارعا قول قويىلدى. قىرعىز باسشىسى ەلباسى نۇرسۇلتان نازارباەۆپەن، پرەزيدەنت قاسىم-جومارت توقاەۆپەن كەزدەستى.

قىرعىز باسشىسى كەزدەسۋ بارىسىندا قازاق اقىنى جۇبان مولداعاليەۆتىڭ ءبىر شۋماق ولەڭىن وقىدى.

مەن قازاقپىن، قىرعىز ول – تۋىسقانىم،
بىرگە تارتقان تارلاننىڭ قۇيىسقانىن.
انامىز دا قارا كوز ءبىر قىز، بالكي،
ءبولىپ بەرگەن ەگىزگە ۋىس نانىن، – دەپ قازاق اقىنىنىڭ پوەماسىنان ءۇزىندى كەلتىردى.

جالپى كەلىسسوزدەر بارىسىندا كەلەسىدەي قۇجاتتارعا قول قويىلدى.

قازاقستان رەسپۋبليكاسىنىڭ پرەزيدەنتى مەن قىرعىز رەسپۋبليكاسىنىڭ پرەزيدەنتىنىڭ ورتاق مالىمدەمەسى.

قازاقستان جانە قىرعىزستان ۇكىمەتتەرى قايتارىمسىز اراسىنداعى اسكەري-تەحنيكالىق كومەك بەرۋ تۋرالى كەلىسىم.

قازاقستان جانە قىرعىزستان ەلدەرى اراسىندا مادەني بايلانىستى ارتتىرىپ، ۇلتتىق سپورت پەن ۇلتتىق ويىنداردى دامىتۋ تۋرالى.

قازاقستان رەسپۋبليكاسى ءسىم مەن قىرعىز رەسپۋبليكاسى ءسىم اراسىنداعى بايلانىستى دامىتۋ تۋرالى 2021-2022 جىلدارعا ارنالعان باعدارلاما.

قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن قىرعىز رەسپۋبليكاسىنىڭ اقپاراتتىق تەحنولوگيالار جانە بايلانىس مەملەكەتتىك كوميتەتتەرى اراسىنداعى ءوزارا تۇسىنىستىك تۋرالى مەموراندۋم.

2021–2022 جىلدارعا ارنالعان قازاقستان رەسپۋبليكاسى ساۋدا جانە ينتەگراتسيا مينيسترلىگى مەن قىرعىزستان رەسپۋبليكاسى ۇكىمەتى جانىنداعى مەملەكەتتىك ەكولوگيالىق جانە تەحنيكالىق قاۋىپسىزدىك ينسپەكتسياسىنىڭ بىرلەسكەن ءىس-شارالار جوسپارى.

قازاقستان رەسپۋبليكاسى ەنەرگەتيكا ءمينيسترىنىڭ، ەكولوگيا، گەولوگيا جانە تابيعي رەسۋرستار ءمينيسترىنىڭ جانە قىرعىز رەسپۋبليكاسى ەنەرگەتيكا جانە ونەركاسىپ ءمينيسترىنىڭ ەلەكتر ەنەرگياسىن تاۋاراينالىم نەگىزىندە الماسۋ تۋرالى حاتتاماسى.

2021 جىلعا ارنالعان قازاقستان رەسپۋبليكاسى قورعانىس مينيسترلىگى مەن قىرعىز رەسپۋبليكاسى قورعانىس مينيسترلىگى اراسىنداعى ىنتىماقتاستىق جونىندەگى ءىس-شارالار جوسپارى.العاشقى ساپارىن قىرعىز باسشىسى رەسەيدەن باستاعان بولاتىن. ساپار الدىندا ول رەسەيدىڭ قىرعىز حالقىنىڭ تاريحىنا وڭ وزگەرىستەر اكەلگەنى جايلى ماقالا جازعان ەدى. ال قازاقستانعا ساپارى بارىسىندا قازاق اقىنىنىڭ ولەڭىن وقىدى. بۇل قىرعىز باسشىسىنىڭ ديپلوماتيالىق ءتاسىلى بولسا كەرەك.

Abai.kz