تۇركىستان وبلىسى قازاقستانداعى ەڭ كەدەي ءوڭىر اتاندى. بۇل تۋرالى Tengrinews.kz مالىمدەدى.

ساراپشىلاردىڭ ايتۋىنشا، ونداعى ءاربىر 10-شى تۇرعىن كەدەي. بۇل ءوڭىر ەلدەگى ەڭ تىعىز قونىستانعان ايماقتىڭ ءبىرى بولىپ سانالادى.

2020 جىلدىڭ ءتورتىنشى توقسانىنىڭ سوڭىنا قاراي تۇركىستان وبلىسىندا 2 ميلليوننان اسا تۇرعىن ەسەپتەلدى، بۇل قازاقستاندىقتاردىڭ جالپى سانىنىڭ 10,8 پايىزى. ايماق تۋ كورسەتكىشى بويىنشا دا كوش باستاپ تۇر.

2020 جىلدىڭ 9 ايىنىڭ قورىتىندىسى بويىنشا، تۇركىستان وبلىسىندا جان باسىنا شاققانداعى جالپى وڭىرلىك ءونىم 729,2 مىڭ تەڭگە بولدى. بۇل ەلىمىزدىڭ بارلىق ءوڭىرى اراسىندا ەڭ تومەنگى كورسەتكىش، ورتاشا رەسپۋبليكالىق كورسەتكىشتەن 70,2 پايىزعا تومەن.

سونداي-اق، مامانداردىڭ ايتۋىنشا، ەلىمىزدىڭ بارلىق وڭىرىندە جۇمىسسىزدىق دەڭگەيى وزگەرىسسىز تۇر نەمەسە تومەندەگەن، ال تۇركىستان وبلىسىندا - ءبىر توقساندا وسكەن، قازىر جۇمىسسىزدىق 5,3 پايىز. ساراپشىلاردىڭ پىكىرىنشە، بۇل قازاقستان بويىنشا ناشار ماندەردىڭ ءبىرى.

«تۇركىستان وبلىسىنداعى كەدەيلىك دەڭگەيى دە ەلدەگى ەڭ جوعارى. وڭىرتە تابىسى ەڭ تومەنگى كۇنكورىس دەڭگەيىنەن از حالىق ۇلەسى 11,2 پايىز. بۇل قازاقستان بويىنشا ورتاشا كورسەتكىشتەن 2 ەسەگە جۋىق ارتىق.

وبلىستا كەدەيلىك شەگىندە تۇرعان 229 مىڭعا جۋىق ادام بار. بۇل اشتىق پەن دۇرىس تاماقتانباۋ، بىلىمگە جانە باسقا دا نەگىزگى الەۋمەتتىك قىزمەتتەرگە قول جەتكىزە الماۋ، الەۋمەتتىك ديسكريميناتسيا مەن وقشاۋلانۋدان بايقالادى» ، - دەپ جازادى Finprom.kz.

«تۇركىستان وبلىسىندا جۇمىسسىزدىق پەن كەدەيدىك جاعدايى ناشارلاپ جاتقانىنا قاراماستان، اكىمدىك حالىقتى قولداۋعا از كوڭىل بولەدى. ماسەلەن، 2020 جىلى وبلىس بيۋدجەتىندە الەۋمەتتىك كومەك پەن الەۋمەتتىك قامسىزداندىرۋعا باعىتتالعان شىعىندار 45,1 پايىزعا، ياعني 50,9 ميلليارد تەڭگەگە دەيىن قىسقاردى.

جالپى، وڭىردە حالىقتى قولداۋعا نەمەسە ونىڭ تابىسىن ارتتىرۋعا ەمەس، قالانىڭ ءوزىن جايلاستىرۋعا كوبىرەك كوڭىل بولىنەدى جانە وعان قاراجات تا سولاي بولىنەدى. حالىقارالىق اۋەجاي، حالىقارالىق دەڭگەيدەگى قوناقۇيلەر سالىنىپ جاتىر، جولدار قايتا جوندەلدى. سونىمەن بىرگە، بۇل جەردە حالىقتى جۇمىسپەن قامتۋ پروبلەمالارى ءورشىپ بارادى: 2020 جىلدىڭ ءتورتىنشى توقسانىندا جۇمىسسىزدار سانى 44 مىڭ ادام بولدى، بۇل وتكەن جىلدىڭ سايكەس كەزەڭىمەن سالىستىرعاندا 4,6 پايىزعا كوپ»، - دەپ تولىقتىردى ساراپشىلار.

تۇركىستان وبلىسىندا كەدەيلىكتىڭ جوعارى بولۋى مەن ءومىر ءسۇرۋ دەڭگەيىنىڭ تومەندىگىنەن تۇرعىندار وڭىردەن ءجيى كوشىپ كەتەتىنى حابارلاندى. باسىلىم مالىمەتىنشە، 2020 جىلى 107,5 مىڭ ادام كوشكەن، ال كوشى-قون سالدوسى 19,7 مىڭ ادام. بۇل ەل وڭىرلەرى اراسىنداعى ەڭ ناشار كورسەتكىش ەكەنى اتاپ ءوتىلدى.

Abai.kz