قاراعاندى قالاسىنداعى وكتيابر اۋدانىن ۇلت كوسەمى، الاش ارىسى ءاليحان بوكەيحاننىڭ اتىنا اۋىستىرۋ جايلى اقپارات ءبىر اي بۇرىن پايدا بولدى.

جەرگىلىكتى اكىمدىك مۇنداي ۇسىنىستىڭ كۇن تارتىبىندە تۇرعانىن جوققا شىعارعان ەمەس. الايدا اۋدان اتاۋىنا قاتىستى حالىقتىق تىڭدالىم قاشان وتەتىنى ۇزاق ۋاقىت بويى بەلگىسىز بولىپ كەلدى.

«اۋدان اتاۋىن وزگەرتۋگە قاتىستى حالىقتىق تىڭدالىم 12-ناۋرىزدا وتەتىنى بەلگىلى بولدى»، - دەيدى Ratel.kz سايتى. حالىقتىق تىڭدالىم كەشكى ساعات 17:00-گە بەلگىلەنگەن. تىڭدالىم ەپيدەميالىق جاعدايعا بايلانىستى، حالىقتىڭ ءبىر جەردە كوپ شوعىرلانباۋىن ەسكەرە وتىرىپ بىرنەشە جەردە وتەدى.

ەگەر اۋدان اتاۋى اۋىسسا، وندا اكىمدىك قۇجاتتاردى 1 مامىرعا دەيىن رەتتەپ ۇلگەرۋى ءتيىس. قازاقستاندا 1 مامىردان باستاپ 2021 جىلدىڭ 31 جەلتوقسانىنا دەيىنگى اۋىل، اۋدان، كوشە اتتارىن اۋىستىرۋعا تىيىم سالاتىن موراتوري كۇشىنە ەنەدى.

تاقىرىپقا تۇزدىق:

قاراعاندى وبلىسىندا وكتيابر دەگەن اۋدان بار. قاراعاندىنىڭ قۇرامىنداعى اكىمشىلىك-اۋماقتىق بولىك دەپ سانالادى. حالىق سانى 250 مىڭعا جۋىقتايدى (2018 جىلعى ەسەپ بويىنشا). رەسمي ءتىلى – قازاق ءتىلى. اۋدان 1938 جىلى قۇرىلعان. 1961 جىلعا دەيىن ستالين اۋدانى دەپ اتالىپ كەلگەن.

وكتيابر اۋدانى قاراعاندى وبلىسىنداعى ءىرى اۋدانداردىڭ ءبىرى. وعان ۇلت كوسەمى ءاليحان بوكەيحاننىڭ ەسىمىن بەرۋ تۋرالى ءسوز ايتىلىپ كەلە جاتقانىنا دا ون جىلعا جۋىقتادى. جەرگىلىكتى حالىق، قوعام بەلسەندىلەرى، زيالى قاۋىم وكىلدەرى ت.ب. بۇل ماسەلەنى جىل سايىن وبلىستىق جانە رەسپۋبليكالىق دەڭگەيدە كوتەرگەنىمەن، «وكتيابر» دەگەن قاندى اۋىز قىزىل وكىمەت تۇسىندا تاڭىلعان سوۆەتتىك اتاۋ تاۋەلسىز قازاقستاننىڭ وتىز جىلىندا وزگەرگەن جوق! ونى وزگەرتۋگە باستاماشىل توپتار مەن ولاردى قولداعان جەرگىلىكتى حالىقتىڭ عانا نيەتى بولماسا، بيلىكتىلەر تاراپىنان كەيدە قۇرعاق ۋادە، كەيدە قىزىل ءسوز، كەيدى ءتىپتى، ماردىمدى جاۋاپ تا بولماي كەلگەن ەدى. ءار جولى حالىق تالاپ قويعان سايىن، وبلىس باسشىلارى دا بۇل ماسەلەنى جىلى جاۋىپ كەلگەن ەدى. سولاردىڭ ءبىرسىپىرا مىسالىن وتكەن جولى جازدىق:

Abai.kz