وزبەكستان تاراپى قىتاي - قىرعىزستان - وزبەكستان تەمىر جولىنىڭ جەكەلەگەن ۋچاسكەلەرىن جوبالاۋعا جانە سالۋعا قاتىسۋعا دايىن. بۇل تۋرالى قىرعىزستان ۇكىمەتىنىڭ ءباسپاسوز قىزمەتى مالىمدەدى. 

ەستەرىڭىزگە سالا كەتەيىك، تاشكەنتتە قىرعىز-وزبەك ۇكىمەتارالىق كوميسسياسىنىڭ وتىرىسى ءوتتى. وتىرىستا جول تاقىرىبى باسا نازارعا الا وتىرىپ تالقىلاندى.

«وزبەك تاراپى قىتاي - قىرعىزستان - وزبەكستان تەمىر جولىنىڭ جەكەلەگەن ۋچاسكەلەرىن جوبالاۋعا جانە سالۋعا قاتىسۋعا، سونداي-اق جوبانىڭ تەحنيكالىق - ەكونوميكالىق نەگىزدەمەسىنىڭ ازىرلىگىنە قاراي قوسا قارجىلاندىرۋ ماسەلەسىن قاراۋعا دايىن ەكەندىگىن ءبىلدىردى»، - دەلىنگەن حابارلامادا.

قىتاي - قىرعىزستان - وزبەكستان تەمىر جولى ەاەو ءۇشىن جاڭا نارىقتار اشادى.

ولار جوبا تۋرالى العاش رەت 1990-شى جىلداردىڭ ورتاسىندا، قىتاي ءوزىنىڭ تەمىرجول جانە اۆتوموبيل ينفراقۇرىلىمىن بەلسەندى تۇردە قۇرىپ، جاڭارتا باستاعان كەزدە ايتا باستادى.

سول كەزدە تەمىرجول بويىنشا كوميسسيا قۇرۋ تۋرالى العاشقى قۇجاتتارعا قول قويىلدى، وعان ءۇش ەلدىڭ وكىلدەرى كىردى: قحر، قىرعىزستان جانە وزبەكستان. 2003 جىلى جوبانىڭ العاشقى تەحنيكالىق-ەكونوميكالىق نەگىزدەمەسى ۇسىنىلدى، ول تورۋگارت اسۋى ارقىلى قىرعىزستان اۋماعى بويىنشا ەڭ قىسقا مارشرۋتتى ۇسىندى.

Abai.kz