بۇگىن "سامۇرىق-قازىنا" ۇلتتىق ءال-اۋقات قورىنا جاڭا باسشى تاعايىندالدى. باسشىلىق تىزگىنى الماسادام ساتقاليەۆكە تابىستالدى. "سامۇرىق-قازىنا" ەلىمىزدەگى ەڭ اۋقىمدى ءارى قارجىلىق سالماعى باسىم قور. 

الماسادام ساتقاليەۆ 1970 جىلى، 31 قازاندا الماتى قالاسىندا دۇنيەگە كەلگەن. ول ءال-فارابي اتىنداعى قازاق ۇلتتىق ۋنيۆەرسيتەتىن "مەحانيك، ماتەماتيك" ماماندىعى بويىنشا بىتىرگەن. كەيىننەن نازارباەۆ ۋنيۆەرستيتەتىندە جوعارى بيزنەس مەكتەبىن، ستەنفورد ۋنيۆەرسيتەتىندە جوعارى بيزنەس مەكتەبىن اياقتاعان. ەكونوميكا عىلىمدارىنىڭ دوكتورى.

1997-2001 جىلدارى "قازترانسويل" كومپانياسىندا مەنەدجەر، دەپارتامەنت باسشىسى، ۆيتسە-پرەزيدەنت سىندى ءتۇرلى قىزمەتتەردى اتقارعان.

2001-2006 جىلدارى "KEGOC" كومپانياسىندا قارجى ديرەكتورى جانە باسقا قىزمەتتەردە بولدى.

2006 جىلدىڭ جەلتوقسانىنان ەلەكتروەنەرگەتيكالىق قورلاردى باسقارۋ بويىنشا اق «قازاقستاننىڭ مەملەكەتتىك قوردى باسقارۋ حولدينگى» «سامرۇق» ديرەكتورى قىزمەتىندە بولدى.

2007 جىلدىڭ قاڭتارىنان قازاقستان رەسپۋبليكاسىنىڭ ەنەرگەتيكا جانە مينەرالدى رەسۋرستار مينيسترلىگىنىڭ ورىنباسارى قىزمەتىن اتقارسا،
2007 جىلدىڭ كىركۇيەگىنەن، 2008 جىلدىڭ قازانىنان اق «قازاقستاندىق «KEGOC» ەلەكتر جەلىلەرىن باسقارۋ كومپانياسىنىڭ» پرەزيدەنت ءارى العاشقى ۆيتسە-پرەزيدەنتى قىزمەتىندە جۇمىس ىستەدى.

2009 جىلدىڭ جەلتوقسانىنان «قازاقستاندىق «KEGOC» ەلەكتر جەلىلەرىن باسقارۋ كومپانياسىنىڭ» باسقارما توراعاسى بولدى.
2011 جىلدىڭ ماۋسىمىنان «سامۇرىق-قازىنا» ۇاقاق باسقارۋشى ديرەكتورى، 2012 جىلدىڭ قاڭتارىنان اق «سامۇرىق-ەنەرگو» باسقارما توراعاسى بولىپ جۇمىس جاسادى.

2015 جىلدىڭ ماۋسىمىنان كوممەرتسيالىق ەمەس «ق.ي. ساتپاەۆ اتىنداعى قازاق ۇلتتىق تەحنيكالىق-زەرتتەۋ ۋنيۆەرسيتەتى» اق تاۋەلسىز ديرەكتورى لاۋازىمىندا بولدى.

2011-2018 جىلدارى سونداي-اق   "سامۇرىق-ەنەرگودا" ديرەكتورلار كەڭەسىنىڭ توراعاسى قىزمەتىن اتقاردى.

2018 جىلدان بۇگىنگى كۇنگە دەيىن "سامۇرىق -قازىنا" قورىنىڭ اكتيۆتەردى باسقارۋ باسقارماسىنىڭ ديرەكتورى بولىپ كەلدى. بۇگىننەن باستاپ سامۇرىق قازىنانىڭ باسشىلىعى قىزمەتىندە.

Abai.kz