استانا مەملەكەتتىك قىزمەت حابى مەن كاتار مەملەكەتىنىڭ ءبىلىم، عىلىم جانە قوعامداستىقتى دامىتۋ قورىنىڭ مۇشەسى، دوحاداعى حاماد بين حاليفا ۋنيۆەرسيتەتى مەملەكەتتىك باسقارۋ جانە مەملەكەتتىك قىزمەت سالاسىندا بiلiم، تاجiريبە جانە جەتiستiكتەرىمەن بولىسۋگە نيەت ءبىلدىردى.

ءوزارا تۇسىنىستىك تۋرالى مەموراندۋمعا استانا مەملەكەتتىك قىزمەت حابى باسقارۋشى كوميتەتىنىڭ توراعاسى اليحان بايمەنوۆ مەن حاماد بين حاليفا ۋنيۆەرسيتەتىنىڭ مەملەكەتتىك ساياسات كوللەدجىنىڭ دەكانى دوكتور لەسلي ا. پال قاشىقتان قول قويدى.

تاراپتار وسى مەموراندۋم ۋنيۆەرسيتەت وقىتۋشىلارى مەن عىلىمي قىزمەتكەرلەرگە مەملەكەتتىك باسقارۋ مەن مەملەكەتتىك قىزمەتتىڭ وزەكتى ماسەلەلەرى بويىنشا عىلىمي كونفەرەنتسيالارعا، اشىق لەكتسيالار، پىكىرتالاستار، سەمينارلار، اكادەميالىق كەزدەسۋلەرگە قاتىسىپ، عىلىمي جاريالانىمدارىمەن الماسۋىنا جول اشىپ، بۇل ۇزاق مەرزىمدى ەكى جاقتى سەرىكتەستىككە نەگىز بولا الادى دەپ سەنەدى.

Abai.kz