30 ناۋرىز كۇنى ەۋرازيالىق ەكونوميكالىق كوميسسيا كوللەگياسىنىڭ باسقوسۋى ءوتتى. باسقوسۋدا وداققا مۇشە ەلدەر اراسىندا اۋىل شارۋاشىلىق تاۋارلارىن جەدەل جەتكىزۋ ماسەلەسى تالقىلاندى. 

«ءدال وسىنداي باسقوسۋ الاڭىندا ماسەلەلەردى تالقىلاۋىمىز وداقتىڭ اگروونىم جۇيەسىنىڭ قالىپتاسقانىن كورسەتەدى. قانداي دا ءبىر فورس-ماجورلىق جاعداي تۋىنداسا وداق مۇشەلەرىنىڭ مۇمكىندىگىن پايدالانىپ، نارىقتى ازىق-تۇلىكپەن قامتاماسىز ەتە الامىز دەدى»، — كوللەگيا وكىلى ارتاك كاماليان.

ءدال وسىنداي تيپتەگى باسقوسۋلار وداققا مۇشە ەلدەردە ازىق-تۇلىك ماسەلەسى تۋىنداعان جاعدايدا جۇرگىزىلىپ وتىرماق. "وداق ەلدەرى ازىق-تۇلىكتەن قينالسا، كوللەگياعا ءوتىنىش ايتىپ، تەز ارادا ماسەلەسىن شەشە الاتىنداي جاعداي جاسالاتىن بولادى" دەيدى كوللەگيا مۇشەلەرى.

Abai.kz