ءاليحان بايمەنوۆكە اشىق ساۋال
قر مەملەكەتتىك قىزمەت ىستەرى اگەنتتىگىنىڭ توراعاسى
ءا.م.بايمەنوۆ مىرزاعا
اشىق ساۋال
قۇرمەتتى ءاليحان مۇحامەديۇلى!
مەملەكەتتىك قىزمەت ىستەرى جونىندەگى لاۋازىممەن ءسىزدىڭ ۇلت ءۇشىن ايتارلىقتاي قىزمەت ەتە الاتىنىڭىزعا سەنىمدىمىز. سول ءۇشىن دە، مەملەكەتتىك مارتەبە العانمەن، اۋىر احۋالدى باستان كەشىپ وتىرعان انا ءتىلىمىزدىڭ مەملەكەتتىك قىزمەت تىلىنە اينالۋ ماسەلەسىن قامتىيتىن ءبىرشاما ساۋالدى سىزگە اشىق كۇيدە قويعاندى ءجون كوردىك. ءسىزدىڭ بۇل ساۋالدارعا بەرەتىن جاۋابىڭىز كوكەيدەگى ءارى قوعامداعى قوردالانعان ءتىل ماسەلەسىنىڭ شەشىمىن تابۋعا سەپتىك ەتەر دەگەن ويدامىز. سونىمەن ساۋالدار:
1. اگەنتتىك تاراپىنان قازاق ءتىلىنىڭ مەملەكەتتىڭ ناعىز جۇمىس ءتىلى بولاتىنىن قامتىيتىن الدەبىر زاڭدامالىق قۇجات بار ما؟ قولدا بار نورماتيۆتىك-زاڭدامالىق بازا قازاق ءتىلىن مەملەكەتتىك قىزمەتكە الاڭسىز قولدانۋعا جەتكىلىكتى مە؟جەتپەسە، ءسىزدىڭ تاراپىڭىزدان قانداي باستاما كۇتۋگە بولادى؟
2. قازىرگى كەزدە مەملەكەتتىك قىزمەتكە الىناتىن ازاماتتارعا تىلدىك جاعىنان قانداي دا ءبىر تالاپ قويىلا ما؟ ەلباسىنىڭ ءۇش ءتىلدى ءبىلۋ ساياساتى قانداي جولدارمەن ىسكە اسىرىلىپ جاتىر؟ ناتيجەسى قانداي؟
قر مەملەكەتتىك قىزمەت ىستەرى اگەنتتىگىنىڭ توراعاسى
ءا.م.بايمەنوۆ مىرزاعا
اشىق ساۋال
قۇرمەتتى ءاليحان مۇحامەديۇلى!
مەملەكەتتىك قىزمەت ىستەرى جونىندەگى لاۋازىممەن ءسىزدىڭ ۇلت ءۇشىن ايتارلىقتاي قىزمەت ەتە الاتىنىڭىزعا سەنىمدىمىز. سول ءۇشىن دە، مەملەكەتتىك مارتەبە العانمەن، اۋىر احۋالدى باستان كەشىپ وتىرعان انا ءتىلىمىزدىڭ مەملەكەتتىك قىزمەت تىلىنە اينالۋ ماسەلەسىن قامتىيتىن ءبىرشاما ساۋالدى سىزگە اشىق كۇيدە قويعاندى ءجون كوردىك. ءسىزدىڭ بۇل ساۋالدارعا بەرەتىن جاۋابىڭىز كوكەيدەگى ءارى قوعامداعى قوردالانعان ءتىل ماسەلەسىنىڭ شەشىمىن تابۋعا سەپتىك ەتەر دەگەن ويدامىز. سونىمەن ساۋالدار:
1. اگەنتتىك تاراپىنان قازاق ءتىلىنىڭ مەملەكەتتىڭ ناعىز جۇمىس ءتىلى بولاتىنىن قامتىيتىن الدەبىر زاڭدامالىق قۇجات بار ما؟ قولدا بار نورماتيۆتىك-زاڭدامالىق بازا قازاق ءتىلىن مەملەكەتتىك قىزمەتكە الاڭسىز قولدانۋعا جەتكىلىكتى مە؟جەتپەسە، ءسىزدىڭ تاراپىڭىزدان قانداي باستاما كۇتۋگە بولادى؟
2. قازىرگى كەزدە مەملەكەتتىك قىزمەتكە الىناتىن ازاماتتارعا تىلدىك جاعىنان قانداي دا ءبىر تالاپ قويىلا ما؟ ەلباسىنىڭ ءۇش ءتىلدى ءبىلۋ ساياساتى قانداي جولدارمەن ىسكە اسىرىلىپ جاتىر؟ ناتيجەسى قانداي؟
3. مەملەكەتتىك قىزمەتكەرلەردىڭ قازاق،ورىس،اعىلشىن تىلدەرى بويىنشا ءتىلدى مەڭگەرۋ دەڭگەيى ەسكەرىلە مە؟ ول قانداي جولمەن تەكسەرىلەدى؟
4. ەلدەگى مەملەكەتتىك قىزمەتشىلەردىڭ (زاڭدامادا - «قىزمەتكەر» ەمەس، «قىزمەتشى») قازاق ءتىلىن مەملەكەتتىك قىزمەتتە قولدانۋعا قانشاسى ءازىر؟ بۇل جونىندە ناقتى سانايعاق بار ما؟
5. ەلدەگى قازاق ءتىلىن ءبىلۋ دەڭگەيىن تەكسەرەتىن بىردەن ءبىر سايمان سانالاتىن قازتەست جۇيەسى مەملەكەتتىك قىزمەتشىلەردىڭ تىلدىك دەڭگەيىن تەكسەرۋگە پايدالانىلا ما؟ قولدانىلماسا نەگە؟
6. مەملەكەتتىك قىزمەت سالاسىنداعى مەملەكەتتىك ءتىلدى بىلۋگە جۇمسالىپ جاتقان جىل سايىنعى قىرۋار قارجى مەن وقىتۋ-ۇيرەتۋ رەسۋرستارىنىڭ تيىمدىلىگىن تەكسەرۋگە اگەنتتىك قاتىسىپ ءجۇر مە؟
7. اگەنتتىك مەملەكەتتىك قىزمەتشىلەردىڭ ءتىلدى ءبىلۋ ۇدەرىسىن باقىلاپ، ونى سۇيەمەلدەپ وتىرا ما؟
8. قازاقستاننان باسقا، مەملەكەتتىك ءتىلدى مەڭگەرمەگەن ازاماتتاردى مەملەكەتتىك قىزمەتكە تارتاتىن ەلدى اتاساڭىز.
9. ءبىزدىڭ شامالاۋىمىزشا، مەملەكەتتىك قىزمەتتە ورىس ءتىلىنىڭ بەلگىلى ءبىر دەڭگەيىن مەڭگەرمەگەن مەملەكەتتىك قىزمەتشى جوق، كەرىسىنشە، شەتەلدەن كەلگەن قازاقتىلدى باۋىرلار مەملەكەتتىك قىزمەتكە كىرە الماي ءجۇر.ەلدە ەكىتىلدى لينگۆيستيكالىق اۋان قالىپتاستىرۋ ءۇشىن،ن.نازارباەۆتىڭ ءۇشتىلدى ءبىلۋ تالابىن ورىنداۋعا بەتتەۋ ءۇشىن، زاڭنامالىق تالاپتى بىلاي قويعاندا، مەملەكەتتىك قىزمەتشىلەردەن ەندى قازاق ءتىلىن مەڭگەرۋ تالابىن ساياسي جاعىنان تالاپ ەتۋگە نە كەدەرگى؟
10. مەملەكەتتىك قىزمەت سالاسىندا قازاق ءتىلىنىڭ پايداسىنا احۋالدىڭ شۇعىل وزگەرۋى قاشان بولماق؟ ەلدەگى بەرەكەسىز تىلدىك ساياساتقا مەملەكەتتىك قىزمەت سالاسى ءوزىنىڭ قانداي ىقپالدارىن جاساماق؟
قۇرمەتپەن - «ەل» القاسى، 2012 جىل،11.04.
«اباي-اقپارات»
