مۇرات ابەنوۆ، قر پارلامەنت ءماجىلىسىنىڭ دەپۋتاتى:

- ەگەر مۇنداي مۇمكىندىك تۋىپ جاتسا، ونى جوعارى دەڭگەيدە وتكىزۋ ءبىز ءۇشىن قيىندىق تۋدىرماۋى كەرەك. وعان دەيىن ءالى تابانى كۇرەكتەي توعىز جىل بارىن ەسكەرسەك، 2017 جىلعا دەيىن كوپ نارسەنى ءوز پايدامىزعا شەشۋگە بولادى. ال «قىسقى ۋنيۆەرسيادانى ءوز جەرىمىزدە وتكىزۋگە الەۋەتىمىز جەتپەيدى» دەۋشىلەرگە ايتارىم، پەسسيميست بولماڭىزدارشى. ماسەلەن، «1997 جىلدارى استانانى اقمولا قالاسىنا كوشىرۋ» تۋرالى ۇسىنىس تۇسكەندە، كوپشىلىگى بۇل قادامنان قورقىپ، الماتىدا قالىپ قويدى. بىراق وزدەرىڭىز كورىپ وتىرسىزدار، وسى ون جىل ىشىندە استانا ادام تانىماستاي قۇلپىرىپ شىعا كەلدى. قاناعاتتانباساڭىز، تاعى ءبىر مىسال كەلتىرەيىن. اۋىلدا قاراشا كەلگەن ءبىر ءۇي «توي جاسايمىن» دەسە، باستاپقى كەزدە بارلىعى كۇمانمەن قارايتىنى انىق. بىراق ءبىراز ۋاقىتتان كەيىن قاراساڭىزدار، الگى ءۇي دۇركىرەتىپ توي جاساپ جاتادى. سول سياقتى قازاقستاننىڭ 2017 جىلى بۇكىلالەمدىك قىسقى ۋنيۆەرسيادانى جوعارى دەڭگەيدە وتكىزە الاتىنا سەنبەۋشىلەر بولۋى مۇمكىن. مەنىڭ ويىمشا، ول قاتە تۇسىنىك. ويتكەنى ءبىز داعدارىستىڭ سالقىنىنا قاراماستان، 2011 جىلى قىسقى ازيادا ويىندارىن وتكىزگەلى وتىرمىز. ال 2017 جىلعا دەيىن بارلىعى جاقسى جاعىنا قاراي وزگەرەتىنىنە سەنىمدىمىن.

مۇرات ابەنوۆ، قر پارلامەنت ءماجىلىسىنىڭ دەپۋتاتى:

- ەگەر مۇنداي مۇمكىندىك تۋىپ جاتسا، ونى جوعارى دەڭگەيدە وتكىزۋ ءبىز ءۇشىن قيىندىق تۋدىرماۋى كەرەك. وعان دەيىن ءالى تابانى كۇرەكتەي توعىز جىل بارىن ەسكەرسەك، 2017 جىلعا دەيىن كوپ نارسەنى ءوز پايدامىزعا شەشۋگە بولادى. ال «قىسقى ۋنيۆەرسيادانى ءوز جەرىمىزدە وتكىزۋگە الەۋەتىمىز جەتپەيدى» دەۋشىلەرگە ايتارىم، پەسسيميست بولماڭىزدارشى. ماسەلەن، «1997 جىلدارى استانانى اقمولا قالاسىنا كوشىرۋ» تۋرالى ۇسىنىس تۇسكەندە، كوپشىلىگى بۇل قادامنان قورقىپ، الماتىدا قالىپ قويدى. بىراق وزدەرىڭىز كورىپ وتىرسىزدار، وسى ون جىل ىشىندە استانا ادام تانىماستاي قۇلپىرىپ شىعا كەلدى. قاناعاتتانباساڭىز، تاعى ءبىر مىسال كەلتىرەيىن. اۋىلدا قاراشا كەلگەن ءبىر ءۇي «توي جاسايمىن» دەسە، باستاپقى كەزدە بارلىعى كۇمانمەن قارايتىنى انىق. بىراق ءبىراز ۋاقىتتان كەيىن قاراساڭىزدار، الگى ءۇي دۇركىرەتىپ توي جاساپ جاتادى. سول سياقتى قازاقستاننىڭ 2017 جىلى بۇكىلالەمدىك قىسقى ۋنيۆەرسيادانى جوعارى دەڭگەيدە وتكىزە الاتىنا سەنبەۋشىلەر بولۋى مۇمكىن. مەنىڭ ويىمشا، ول قاتە تۇسىنىك. ويتكەنى ءبىز داعدارىستىڭ سالقىنىنا قاراماستان، 2011 جىلى قىسقى ازيادا ويىندارىن وتكىزگەلى وتىرمىز. ال 2017 جىلعا دەيىن بارلىعى جاقسى جاعىنا قاراي وزگەرەتىنىنە سەنىمدىمىن.

ۆلاديمير سميرنوۆ، داڭقتى شاڭعىشى، حالىقارالىق وليمپيادا كوميتەتىنىڭ كورنەكتى قايراتكەرى:

- ەگەر قىسقى ۋنيۆەرسيادانى قابىلداۋ تۋرالى ۇسىنىس ءتۇسىپ جاتسا، ودان باس تارتپاي، بىردەن كەلىسۋىمىز كەرەك. ويتكەنى بۇل - بىزگە بەرىلىپ تۇرعان سىي. كەيبىرەۋلەر «ۋنيۆەرسيادانى وتكىزۋ قۇر شىعىنعا ۇشىراتادى» دەپ ويلاۋى مۇمكىن. الايدا قاتە تۇسىنبەۋىمىز كەرەك. سەبەبى مارتەبەسى جونىنەن تومەندەۋ دەمەسەڭىز، ۋنيۆەرسيادانىڭ دەڭگەيى ازيا ويىندارىنان دا جوعارى. ماسەلەن، ازياداعا ارى كەتسە، 30-40 شاقتى ەلدىڭ وكىلدەرى قاتىسادى. ال ۋنيۆەرسياداعا قاتىسۋ ءۇشىن 80-90, ءتىپتى 100-دەن اسا مەملەكەتتىڭ سپورتشىلارى كەلەدى. ياعني بۇدان كەيىن ءبىزدىڭ ەلدى بۇكىل الەم جاقسى قىرىنان تانيدى دەگەن ءسوز. ناتيجەسىندە، ەكونوميكامىز دا ءبىرشاما العا جىلجيدى. ايتا كەتەر ءبىر نارسە، 2017 جىلعى بۇكىلالەمدىك ۋنيۆەرسيادانى جوعارى دەڭگەيدە وتكىزە الماي قالامىز دەپ قورىقپاعانىمىز ءجون. ويتكەنى بىزدە سپورتتىق نىساندار از ەمەس. ونىڭ ۇستىنە اق ازياداعا بايلانىستى ءبىراز كەشەندەر سالىنىپ، قالعاندارى قايتا جوندەۋدەن ءوتىپ جاتىر. مىنە، سوندىقتان بىزگە ۋنيۆەرسيادانى وتكىزۋ اسا قيىندىق تۋعىزبايدى. ونىڭ ۇستىنە 2017 جىلعا دەيىن ءالى توعىز جىل بارىن ەسكەرسەك، كەيبىر ولقىلىقتاردىڭ ورنىن تولتىرۋعا ۋاقىت جەتەدى.

سەرىك ءابدىراحمانوۆ، «ادىلەت» پارتياسى توراعاسىنىڭ ورىنباسارى:

- قازاقستاننىڭ قاۋقارى، بايلىعى تەك ۋنيۆەر­سيادانى عانا ەمەس، قاتارىنان ءۇش-ءتورت وليمپيادا ويىندارىن وتكىزۋگە جەتەدى. وكىنىشتىسى، بىزدە حالىقتىڭ يگىلىگىن ويلايتىنداردان گورى، جەكە باسىنىڭ قامىن ويلاپ، جان قالتاسىنا نەعۇرلىم كوپ اقشا باسىپ قالۋدى كوزدەيتىندەر كوپ. ال نەگىزى، قىسقى ۋنيۆەرسيادانى ءوز ەلىمىزدە وتكىزگەن ءوزىمىز ءۇشىن وتە كەرەك. ەگەر مۇنداي شارانى وتكىزۋ ءتيىمسىز بولسا، قىتاي، رەسەي سەكىلدى الىپ ەلدەر ۋنيۆەرسيادا، وليمپيادالاردى وتكىزۋگە تالاسىپ نەسى بار؟! راس، ۋنيۆەرسيادانى ءوز جەرىمىزدە وتكىزۋ ءۇشىن ءبىراز شىعىندالاتىنىمىز جاسىرىن ەمەس. الايدا ونىڭ قايتارىمى دا بولاتىنىن ۇمىتپاۋىمىز قاجەت. وسى ارقىلى ءبىز سىرتقى ەكونوميكامىزدى كوتەرىپ، وزگە ەلدەر الدىندا ابىرويىمىزدى بيىكتەتە الامىز.

دايىنداعان ازيز ءجۇمادىل

«الاش ايناسى» گازەتى 2 شىلدە 2009 جىل