وزبەكستاننىڭ نوكىس شاھارىندا قاماۋدا بولعان اقتوبەلىك 27 جۇرگىزۋشى كەشە ماڭعىستاۋ-اقتوبە پويىزىمەن اۋىلدارىنا ورالدى. تۋىسقاندارى جۇرگىزۋشىلەردى اقتوبەگە جەتپەي، قاندىاعاش ستانسىسىنان كۇتىپ الدى. جۇرگىزۋشىلەر بۇگىن ارنايى ءباسپاسوز ءماسليحاتىن وتكىزبەكشى بولىپ وتىر.
ولاردىڭ ايتقانىنا قاراعاندا، وزبەكتەر 27 جۇرگىزۋشىنى ساياسي تۇتقىندار ءتارىزدى قاتاڭ جاعدايدا ۇستاعان. ارقايسىسىن جەكە-جەكە قاماپ، ءبىر-بىرىمەن سويلەستىرمەي قويعان. ولار ۇستالعان سوڭ، 18 كۇن بويى قازاقستان جاعىنا بولعان وقيعا جايىندا ءتىپتى حابارلانباعان دا. تەك تۇتقىنعا تۇسكەندەر اشتىق جاريالاعان سوڭ بارىپ، ءىستىڭ بەتى بەرى قاراپتى. وزبەكستاندىق قۇقىق قورعاۋشىلار قازاقستان ازاماتتارىن اياۋسىز ۇرىپ-سوعىپ، قالتاسىنداعى اقشاسى مەن ۇيالى تەلەفوندارىن تارتىپ العان. اسىرەسە، بايعانين اۋدانىنىڭ تۋماسى، 1980 جىلى تۋعان ءانۋار ساعىننىڭ وزبەكتەر ساعىن سىندىرماسا دا، جاعىن سىندىرىپ قايتارىپتى.
سوت شەشىمى بويىنشا، جۇرگىزۋشىلەردىڭ كولىكتەرى تاركىلەنىپ، ارقايسىسىنا 10 مىڭ دوللار كولەمىندە ايىپپۇل كەسىلگەن. وزدەرى كولىكتى كرەديتكە ساتىپ العان، بولماسا جالعا العان جۇرگىزۋشىلەردىڭ ونداي قارجىنى قالتاسى كوتەرمەيتىنى انىق. سوت شەشىمى شىققاننان كەيىن دە بەس كۇن قاماۋدا وتىرعانداردى بوساتۋعا قازاقستان ەلشىلىگىنىڭ ايتارلىقتاي سەپتىگى تيگەن. كونسۋل بابىر داۋرەنبەكوۆ وزبەك زاڭ ورىندارىنا ايىپپۇل تولەۋدى قازاقستان ۇكىمەتى ءوز موينىنا الاتىندىعى جونىندە قولحات بەرگەننەن كەيىن عانا جۇرگىزۋشىلەر بوساتىلعان.

وزبەكستاننىڭ نوكىس شاھارىندا قاماۋدا بولعان اقتوبەلىك 27 جۇرگىزۋشى كەشە ماڭعىستاۋ-اقتوبە پويىزىمەن اۋىلدارىنا ورالدى. تۋىسقاندارى جۇرگىزۋشىلەردى اقتوبەگە جەتپەي، قاندىاعاش ستانسىسىنان كۇتىپ الدى. جۇرگىزۋشىلەر بۇگىن ارنايى ءباسپاسوز ءماسليحاتىن وتكىزبەكشى بولىپ وتىر.
ولاردىڭ ايتقانىنا قاراعاندا، وزبەكتەر 27 جۇرگىزۋشىنى ساياسي تۇتقىندار ءتارىزدى قاتاڭ جاعدايدا ۇستاعان. ارقايسىسىن جەكە-جەكە قاماپ، ءبىر-بىرىمەن سويلەستىرمەي قويعان. ولار ۇستالعان سوڭ، 18 كۇن بويى قازاقستان جاعىنا بولعان وقيعا جايىندا ءتىپتى حابارلانباعان دا. تەك تۇتقىنعا تۇسكەندەر اشتىق جاريالاعان سوڭ بارىپ، ءىستىڭ بەتى بەرى قاراپتى. وزبەكستاندىق قۇقىق قورعاۋشىلار قازاقستان ازاماتتارىن اياۋسىز ۇرىپ-سوعىپ، قالتاسىنداعى اقشاسى مەن ۇيالى تەلەفوندارىن تارتىپ العان. اسىرەسە، بايعانين اۋدانىنىڭ تۋماسى، 1980 جىلى تۋعان ءانۋار ساعىننىڭ وزبەكتەر ساعىن سىندىرماسا دا، جاعىن سىندىرىپ قايتارىپتى.
سوت شەشىمى بويىنشا، جۇرگىزۋشىلەردىڭ كولىكتەرى تاركىلەنىپ، ارقايسىسىنا 10 مىڭ دوللار كولەمىندە ايىپپۇل كەسىلگەن. وزدەرى كولىكتى كرەديتكە ساتىپ العان، بولماسا جالعا العان جۇرگىزۋشىلەردىڭ ونداي قارجىنى قالتاسى كوتەرمەيتىنى انىق. سوت شەشىمى شىققاننان كەيىن دە بەس كۇن قاماۋدا وتىرعانداردى بوساتۋعا قازاقستان ەلشىلىگىنىڭ ايتارلىقتاي سەپتىگى تيگەن. كونسۋل بابىر داۋرەنبەكوۆ وزبەك زاڭ ورىندارىنا ايىپپۇل تولەۋدى قازاقستان ۇكىمەتى ءوز موينىنا الاتىندىعى جونىندە قولحات بەرگەننەن كەيىن عانا جۇرگىزۋشىلەر بوساتىلعان.
ول ازداي، وزبەكستاندا 1984 جىلدان بەرى قاراۋسىز جاتقان قۇبىرلاردى قازاق جاعىنا ساتقان «ۇرگەنىشترانسگاز» كومپانياسى ءبىزدىڭ جۇرگىزۋشىلەردەن 600 ليتر ديزەل مايىن جانە 5 مىڭ ليتر بەنزين ءوندىرىپ الۋدى تالاپ ەتكەن.
ەلگە ءدىن امان ورالعانىمەن، اقتوبەلىك جۇرگىزۋشىلەر كولىكتەرى ءۇشىن كرەديت پەن جالاقىسىن وتەۋدە ۇكىمەتتەن ءبىر جاردەم بولا ما دەپ ۇمىتتەنىپ وتىر. بۇل تۋراسىندا بۇگىنگى ءباسپاسوز ءماسليحاتىندا ەگجەي-تەگجەيلى ايتىلاتىن بولسا كەرەك.

باقىت جانشاەۆا، اقتوبە
«الاش ايناسى» گازەتى 2 شىلدە 2009 جىل