ۇكىمەت ا/ش ماقساتىنداعى مەملەكەتتىك جەردى پايدالانۋشىلاردىڭ اتتارىن اشىپ ايتۋى كەرەك. اشىق جەر كاداسترى قاجەت.

الدىمەن مۇنداي اقپارات 2016 جىلعا دەيىن اشىق بولعانىن، كەيىن ءدال وسى 2016 جىلى ونى نەگە ەكەنى بەلگىسىز جاۋىپ تاستاعانىن اتاپ ءوتۋ كەرەك.

قازاقستاننىڭ ا/ش جەرلەرى – 99 پايىز مەملەكەتتىك مەنشىك. زاڭ بويىنشا بارلىق مەملەكەتتىك مەنشىك پايدالانۋشىلار، مەملەكەتتىك گرانت الۋشىلار، مەملەكەتتىك تەندەرلەر مەن كونكۋرستاردىڭ جەڭىمپازدارى، سالىق جەڭىلدىكتەرىن پايدالانۋشىلار (100 پايىز اۋىلشارۋاشىلىعى ءوندىرىسى) وزدەرى تۋرالى اقپاراتتى اشۋى كەرەك.

سونداي-اق، بارلىق جەر قويناۋى دا مەملەكەتكە تيەسىلى. سوندىقتان بارلىق جەر قويناۋىن پايدالانۋشىلار دا زاڭدى تۇلعا بولسىن، جەكە تۇلعا بولسىن، وزدەرى تۋرالى اقپاراتتى اشۋى كەرەك. جەر قويناۋى تۋرالى كودەكستىڭ 77-بابى وسىلاي دەيدى.

اۋىلشارۋاشىلىق جەرلەرى دە وسى سياقتى مەملەكەتتىك مەنشىكتە (99%). بىراق بۇل جەردە پايدالانۋشىلاردىڭ اتتارى جابىق. لوگيكا قايدا؟ ادال شارۋالار ەشتەڭەدەن قورىقپايتىنىنا سەنىمدىمىن، اتتارىن ايتۋدان وزدەرى جەردى دۇرىس پايدالانىپ، ەشتەڭە ىستەمەيتىن، وزگەلەردى ماڭايلاتپايتىن لاتيفۋنديستەر اقپاراتتى اشۋدان قورقادى.

ارى قاراي ءبىز ا/ش جەردەرىن اشىق كونكۋرس ارقىلى تسيفرلىق ادىسپەن بەرۋ تۋرالى ايتامىز. سوندا اشىق كونكۋرس وتكىزىپ، جەڭىمپازدى انىقتاپ، ارى قاراي جەر كاداسترىن جاۋىپ تاستايمىز با؟ وزدەرىڭە كۇلكىلى ەمەس پە بۇل؟ لوگيكا جوق.

جەكە دەرەكتەر تۋرالى زاڭنىڭ جەكە مەنشىك قۇقىعىنداعى ا/ش جەرلەرى يەلەرىن قورعايتىنىمەن كەلىسۋگە بولادى. بىراق وندايلار بار-جوعى 0,6%. قالعان 99% مەملەكەت مەنشىگىندەگى ا/ش جەر پايدالانۋشىلاردىڭ اتتارىن ۇكىمەت اشۋعا مىندەتتى!

مۇحتار تايجاننىڭ جازباسى

Abai.kz